أنيميا الحديد في تحاليل الدم.

حبيت اعمل تحليل صورة دم عشان اشوف لو في اي مشاكل و استأذنك يا كابتن محمد تبص علي نتيجة التحليل و تقولي اذا كان في نقص في اي حاجة ، هو مكتوب ان في زيادة في كرات الدم الحمراء

 

بقالي شهور عندي مشكلة اني رغم اني بنام 9 ساعات يوميا و بنام بدري لكن عندي حالة خمول و رغبة في النوم طول الوقت و احيانا بتجيلي دوخة خفيفة كده ، لذلك قولت اما اعمل التحليل

 

عندك نقص فى الحديد

 

هو انا مش مدخن بس بالنسبة للنوم رغم نومي 9 ساعات بس ببقي صاحي خامل و بكون خامل باقي اليوم ، بالنسبة للنظام الغذائي انا اما كنت عامل عجز كنت عامل عجز 500 سعر فقط و حاليا مبطل تخسيس تماما بقالي شهرين و اخدت فترة تثبيت و حاليا فترة تضخيم و دايما في نظامي بحاول علي قد ما اقدر اكتر من مصادر الحديد الحيواني و مؤخرا اضفت العسل الاسود اما عرفت منك يا كابتن محمد انه غني بالحديد بس عشان مصدر نباتي فباكل جنبه اي مصدر فيتامين سي و كل ده بجانب اني بتناول مالتي فيتامين فيتاماكس بلس و بيحتوي علي 9 مجم حديد ، و ده مثال لنظامي الغذائي ممكن حضرتك تاخد بصة عليه و تشوف اذا كان في خلل في اي حاجة ، و عموما انا هاخد بنصيحتك يا كابتن محمد و اخلي الكبد اساسي في النظام الفترة ديه لتعويض العجز ان شاء الله ، بس هل تنصحني اكشف عند دكتور عشان موضوع الخمول و الدوخة و كثرة كرات الدم الحمراء ده؟ و لو تنصح بذلك ايه التخصص اللي اروحله؟

 

طيب يا كابتن محمد انا اتذكر اني قريت في مقالتك عن فيتامين دي انه يمكن عمل تحليل صورة دم كاملة لمعرفة اذا كان هناك نقص ام لا ، ايه هي الخانة الموجودة في التحليل اللي اعرف منها ده؟

 

طب ايه هو اسم التحليل؟

 

لا خلاص تمام راجعت المقالة و لقيت اسمه 25OHD3 test
التحليل يحتاج اكون في حالة صيام و لا عادي؟

 

عملت التحليل مرة اخري اليوم بعد مرور شهر و حدث ارتفاع جيد في الهيموجلوبين و لكن ما زالت مشكلة ارتفاع كرات الدم الحمراء و الlow mcv و الlow mch
رغم اني في خلال الشهر ده قمت باتباع نصائحك يا كابتن محمد و قللت عدد ساعات نومي من 9 الي 7 و اهتميت اكثر بمصادر الحديد الحيوانية و الحمد لله ظهرت النتيجة و ارتفعت نسبة الهيموجلوبين و لكن كرات الدم ما زلت كما هي
فبماذا تنصح يا كابتن محمد؟ مع العلم اني كما اخبرتك سابقا في التعليقات لا ادخن و اهتم بادراج انواع متعددة من الخضراوات و الفواكه و الحبوب في نظامي