اكتر مكمل مفيد للتنشيف؟ ؟ ؟

يا كابتن عاوز اسال .. ايه اكتر مكمل يساعدنى على التنشيف غير امينو 2222 و عدم توافر الواى بروتين في مصر ؟ ؟ ؟

 

انا قريته يا كابتن كاملا ... بس انا كنت محتاج مكمل يساعد العضلات عندى على سرعة النمو او تحفيزها ... انا عامة الرجيم نفسه مش اذمة خالص .. ازمتى ان جسمى عضله ضعيف جدا

 

انا مش برفع اوزان خفيفة ... هى اوزان من العدة 11 او 12 بتحدث شد للعضلة ... و بعتمد على انى بلعب 6 تمارين وقت واحد ... باي و بنج و اكتاف مثلا ورا بعض بدون راحة العد من 10 ل 12 .... 3 ادوار ... قبلهم تمارين شدة دورين و التسخين جري 10 دقايق

 

بص أولاً مافيش حاجة اسمها مكمل للتنشيف
التنشيف يعنى إظهار العضلة بدون دهون
و ده معناه انك تكبر العضلة و فى نفس الوقت تقلل نسبة الدهون هو ده معنى التنشيف
طيب يجى ازاى:
بإنك تعمل دايت عالى البروتين بإنك تنقص يومياً ٥٠٠ سعر حرارى من سعراتك و ده هايساعدك على التخسيس لكن اكتر من كده هايبقى فيه احتمال لإنك تنقص من العضلات فاالكمية دى بتخليك تنقص من الدهون فقط
ثانياً و هو الجزئ الثانى من التنشيف
زاى ما اتفقنا ان التنشيف مقسم لجزئين الاول زيادة العضلات و الثانى تقليل نسبة الدهون
تكلمنا فى الجزئ الثانى بالدايت عالى البروتين
اما الجزئ الاول هو إعطاء احتياج الجسم من البروتين كاملاً فى نظامك الغذائى ليساعد على نمو العضلات
و التمرين جيداً حتى تصل لعملية فشل العضلات اثناء التمرين حتى تحتاج العضلات للاستشفاء و النمو أوقات الراحة و بعد التمرين و بالتالى زيادة حجمها
و هذا يأتى ببرنامج تدريبى جيد مع زيادة الأوزان تدريجياً لان زاى ما اتفقنا لابد فى العدة الاخيرة من حدوث فشل تام للعضلة حتى تحتاج الى الاستشفاء من جديد و بالتالى النمو
بالبلدى كده عصر العضلة اثناء التمرين بإحساسها بأنه فيه ضغط عليها
طيب ما هو البرنامج التدريبى الجيد:
هاتلعب العضلة مرتين فى الأسبوع بمعنى
بنش و باى
كتف و خلفيات كتف و ترابيس
ظهر و قطنية و تراى
ارجل و بطن
و يمكنك لعب البطن فى اى يوم تمرين بعد التمرين لو فيه وقت ماعدا يوم الظهر لو هاتلعبها يبقى قبل تمرين القطنية و تجعل تمرين القطنية اخر حاجة و لا تزيد عن ثلاث مرات فى الأسبوع للبطن و يمكنك أيضاً تمرين العضلات المتأخرة مرتين فى الأسبوع ثم رجوعها للبرنامج الطبيعى مرة اخرى
يمكنك لعب المجموعات الى ٦ مجموعات للتمرين و هذا أقصى عدد للضخامة
يمكنك لعب التكرارات الى ١٢ تكرار و هذا أقصى عدد للضخامة
فألعب ما تتحمله
انصحك ب:
حساب سعراتك و احتياجك من البروتين و الكارب و الدهون و الالياف و الفيتامينات و المعادن جيداً
استخدام ميزان مطبخ لتحضير الطعام
استخدام ميزان قياس الوزن دورياً لمتابعة النتائج و لا تعتمد علية فقط لان يمكن ان يثبت وزنك عليه و يكون بتقل من نسبة الدهون و بتزيد من العضلات و انت لا تعرف و تقليل نسبة الدهون و زيادة العضلات هو المطلوب
استخدام ميزان قياس نسبة الدهون هذا ما سيفيدك اكثر لان المطلوب تقليل نسبة الدهون مع زيادة وزن العضلات او على الأقل تثبيتها فترة الدايت
يمكنك الاعتماد على مكملات الفيتامينات مثل المالتى ڤايتمين و الدهون الصحية مثل اوميجا 3 و التى تعطى باور اثناء التمرين و تساعدك على التمرين جيداً و بالتالى ستساعدك على حرق الدهون و نمو العضلات و يمكنك استبدال مكملات الدهون و الفيتامينات بإدراج الدهون الصحية و الفيتامينات المطلوبة فى الطعام
استخدام موقع كرونومتر لحساب احتياجك من الطعام و النتائج و قائمة السعرات الحرارية للاطعمة بالموقع
و بالتوفيق ان شاء الله

 

اداء الحركة الصحيح هو لعب العدة فى فترة ٥ ثوانى ٢ ثانية فى الحركة الإيجابية و ٣ ثوانى فى الحركة السلبية لا يهم الوزن كتير عند مقارنته بالتمرين الصحيح و الاستفادة العالية فهذا أفضل شئ ان شاء الله بحسب الدراسات
لا تكتم نفسك ابداً اثناء التمرين تنفس بشكل جيد زفير اثناء الحركة الإيجابية و شهيق اثناء الحركة السلبية حتى لو اضطريت لتقليل الوزن حتى تتعود عليها ثم الرجوع لزيادة الوزن و اللعب بالوزن الثقيل بعد التعود عليها

 

متشكر جدا على وقتك و معلوماتك ... انا حاليا نجحت اخس 50 كيلو خلال سنة .. نسبة الدهون قستها على ميزانين مختلفين واحد طلعنى 15 % و التانى 16 % ... فا حاليا انا بهدف اخس 10 كيلو كمان بس مع تمرين حديد لانى مكنتش بتمرن حديد كقاية ّ... بقالى 4 اسابيع وزنى يزيد و ينقص مش بخس بس انا مكمل اهو حاليا هخلص علبة الامينو دى و بعد كدة هشوف الاوميجا 3

 

دى نتيجة جيدة و نسبة تخسيس معتدلة سليمة صحية ما شاء الله
ضع فى اعتبارك ان اول ٢٠ كيلو ليس كثانى ٢٠ كيلو و ليس كآخر ٢٠ كيلو
بمعنى ان كلما تقدمت فى الوصول للدهون الاخيرة المختزنة من فترة طوية يكون اصعب فى التخسيس و ليس كأول ٢٠ كيلو تخزنوا فى جسمك قريباً
و ضع فى اعتبارك أيضاً ان احتياجك للسعرات قل مع النزول فى الوزن
فلابد من اعادة حساب السعرات دورياً مع الوزن الجديد و اعتقد ان هذا ما سبب تراجع فى الوزن و زيادته
فأعد حساباتك مرة اخرى و بالتأكيد سترى النتيجة المطلوبة ان شاء الله

 

نا بعمل نظام محسوب على برنامج my fitness pal و حاسب نظام الاكل الحالى مع وجود الجيم 4 ايام كل اسبوع و حركة مستنرة معظم ايام الاسبوع ... انا مدى لنفسي وقت 10 شهور لاخر 10 كيلو.... مشكلتى الكبيرة جدا حاليا الجلد ... كمية جلد هااااائلة علي البطن و الصدر و الارداف

 

تمام استمر و يمكنك زيادة ايام التمرين ل ٥ ايام
الوقت ده كويس برضه و مناسب ل ١٠ كيلو
بص بقى موضوع الترهلات:
كده انت لازم تغير نظامك لان ما حدث لك وارد ان يحصل لمن يعتمد على الدايت دون تمرين الحديد او التقليل فيه
فالحل ان تكثف التمرين بأن تجعله ٥ ايام على الأكثر و زيادة مدة التمرين ان أمكن و زيادة الأوزان جيداً بالتدريج و زيادة التمارين مع الراحة الجيدة
هذا سيشد الجلد مع الاستمرار و لابد ان تبدأ لان سوف يزيد الترهل اذا استمريت على نظامك الذى كنت ماشى عليه

 

انا بس بخس ان بعد رابع يوم تمرين مع مجهود الجامعة و المذاكرة 4 ايام بيخلصوا عليا و اليوم الخامس ببقي هموت ... المشكلة انى خايف جدا اضطر ادخل جراحة سواء على البطن او الصدر او الارداف

 

هل هذا الناتج النهائي يجعلني اخسر عضلات مع دهون وانا اتمرن 6 ايام ف الاسبوع ؟؟

 

لابد ان اعرف ما هو وزنك و طولك و عمرك و نسبة الدهون حتى استطيع حسابها
و هل تظن ان ٤ ايام فى الشهر فى مقابل ٢٦ يوم تمرين كافية للراحة؟

 

طيب خليك على ٤ ايام المهم تستمر
بس اهم حاجة تكثيف التمرين بزيادة التمارين و وقت التمرين و الأوزان تدريجيا و الراحة الجيدة

 

اخر سؤال بس ... انا من مصر ... و غير متوافر اى اداة دقيقة لتحديد نسبة الدهون ... لا استطيع قياس الوسط لوجود ترهل في البطن ... الديكسا سكان غير متوافر ... ولا جهاز القياس تحت الماء ... ما هى ادق وسيلة لقياس نسبة الدهون

 

يمكنك القياس على جهاز inbody ابحث عنه فى چيم كبير و جيد او مركز تغذية جيد
و يمكنك معرفة نسبة دهونك من خلال هذه الصورة

 

تمام جدا يا كابتن متشكر جدا لحضرتك

 

حبيبى على ايه