سؤال عن البطولات

جمعت شوية فيدوهات ليا.. لأنها بتظهر حالة الجسم بشكل أوضح من الصور..
سبع شهور ، رغم إن كل اللي فاضل فى حدود الـ 12 كيلو دهون .. لكن مثبت وزني ورافع السعرات الحرارية فى حدود احتياجي (مش رافعها للضخامة).

بس عندي سؤال : لو صفيت جسمي هل بالحجم اللي هكون عليه ينزلني بطولة (بدون منشطات) ؟
لأن فى كتير كلموني ف الموضوع ده ..
إزاي أعرف إن حجمي ممكن يحققلي مركز ولا لأ ؟ هل في مقاسات معين ؟

https://www.facebook.com/video.php?v=1343316335714327

 

رائع جسمك جميل بسم اللة ما شاء اللة من وجهة نظرى انك عندك الجينات الى تسمحلك بكدة بس انا عندى سؤال لما كنت بتنزل الدهون مكنتش بتمرن الصدر السفلى

 

كنت بتمرنه لكن بدون اهتمام .. كنت بخليه مجموعة واحدة فى آخر البرنامج .. فمكنتش بلعبه بأوزان .
لكن مع الوقت لما بدأت مشكلة ترهل الجلد تكون واضحة .. بدأت أحطه فى أول التمرين وأهتم بيه .. لكن التحسن مكنش قوي .

 

الفكرة لو حققت مركز بأقل إمكانيات قدام ناس بتصرف ع الأكل والمنشطات كتير ..
يعنى أنا لحد دلوقتي مصارفي على الأكل شهريا معدتش الـ 50 دولار ، وبسمع من الناس كلام يشكك اني باخد هرمونات ، وبعضهم بيأكد لو نزلت بطولة ممكن أحقق حاجة .. الفكرة إني كنت عاوز اتأكد من كلامهم هل هو مبالغة ؟

 

اخى ما شاء الله جسمك متفوق بس ايه اخبار الارجل
انت جسمك كويس بس فيه حاجة مهمة جداً و هى تقليل الدهون نزلها ل ٦٪‏ و ما شاء الله هايكون جسمك صلب و مبدع
انت ممكن تنزل بطولة بعد ما تعمل كده و تكون تجربة تقولنا فيها استفدت ايه و تكون مش علشان تأخذ مركز او كده طبعاً دى حاجة كويسة بس علشان تقيّم نفسك و يكون معاك حاجة فى ال cv بتاعك و هاتكون بالنسبة لك هواية مش عمل يعنى طالما تستطيع اسأل فى اماكن البطولات عن المواعيد و الشروط و المواصفات للدخول فى البطولة
اهتم بالتمارين القلبية( الكارديو) بجانب تمارين الحديد و تمارين الاطالة
اهتم بالعناية بالجسم من الداخل من حيث كفائة الأعضاء الحيوية و الفيتامينات بعمل التحاليل و الأشعة و يفضّل بشكل دورى و هذا سيساعدك كثيرة فى الوصول لنتائج جيدة
و أتمنى لك التوفيق

 

الرجل كويسة جدا .. رغم إني مبتمرنهاش غير 3 مرات في الشهر .
التراي والرجل جيناتهم كويسة عندي بعكس البنش .
وشكرا جدا ع كلامك .. حمسني أكتر

 

العفو على ايه

 

أنا توقعت برضو إن دي المستويات اللي بتنزل معظم البطولات وعشان كده كنت مستغرب .. عموما بعد الصور دي ما شاء الله .. أنا بفكر أرجع تخين تاني

 

يا احمد انا والله اتفرجت على بطولة قريب فى مصر المستويات كانت اضعف من كده بكتير بس كان عمرهم صغير عن كده شوية
فالعمر برضه بيحدد مستوى الجسم يعنى الصورة دى واضح انه كبير فى العمر
فالبطولات المصرية المحلية بيكون المستوى اضعف من كده بكتير
فامن خلال رؤيتى للبطولة دى انت جسمك بالنسبة لهم ضخم فاعتقد انك ممكن تعمل حاجة بس بشرط واحد و هو اهم حاجة للأنت فيه و هو تقليل نسبة الدهون ل ٦٪‏ زاى ما قلتلك علشان تدخل البطولة هو ده اللى بيتحكم فى شكل الجسم و هو ده اللى بيميز رياضى داخل البطولة عن رايضى هاوى

 

أنا فعلا محتاج أشتغل على نسبة الدهون ولو نجحت فى الوصول لنسبة قليلة أوي كده ممكن أبدأ أتابع البطولات وأشوف هوصل لإيه
شكرا جدا ليك ولكابتن محمد على كلامكم وتشجيعكم بجد

 

ربنا يوفقق حبيبى