قطع في غضروف الرسغ

بسم الله الرحمن الرحيم ​

من شهرين تقريبا كنت بتمرن بينج بريس بالدامبل وخلصت التمرين لاقيت الم في الريست كملت التمرين عادي وتاني يوم لاقيت الريست بيوجعني ومش قادر احركة بحرية ريحت يومين ورحت اتمرنت خفيف لاقيت الوجع زاد قمت موقف تمرين وكشف الدكتور قالي هندي راحة اسبوعين وتعالي رحتلة بعد اسبوعين قالي في تحسن قلتلة شوية قال راحة اسبوعين كمان رحتلة تاني بعدها قلتلة انا شلت كيسة الكمبيوتر بايدي لاقيت حرقان في الريست والم ومفيش تحسن قالي اعمل رنين عملت ورحتلة قالي لا تعالي بكرة هبعتك لطبيب تاني عشان انا مش متاكد من حاجة رحت للي بعتني لية قالي عندك قطع في غضروف الريست ومحتاج عملية انا اتصدمت ورحت ل 3 دكاترة تانيين 2 منهم قالولي مفيش حاجة وبالكمادات والعلاج و الراحة هتخف والتالت قالي لا في اصابة في الغضروف وفي حل جراحي او حقن كورتيزون قلتلة لا حقن لا ومفيش حل تاني قالي طب تعالي نبص علي ايدك وفضل يحركها شوية وقالي بص انت حصلك تحسن قلتلة ايوة ووصلت لمرحلة وقف التحسن قالي انا لو منك هجبس 3 اسابيع ادي الغضروف فرصة يلتحم وقول يارب وفعلا جبست 3 اسابيع وفكيت من 5 ايام الجبس بس في الم برضو في الريست بس الالم واخد حجم اكبر من حجم الم الاصابة قبل ماجبس هوة بيقول دة التهاب اوتار واداني علاج وراحة اسبوعين وانا مش عارف اعمل اية ومحتار خصوصا اني بحثت علي اصابة قطع غضروف الرسغ وملاقتلهاش بيانات عالنت فلو سمحتم هل في اصابة فعلا كدة وخطرة ولا لا وليها علاج ولا لا ولو في اي حاجة تقدرو تساعدوني بيها اكون شاكر جدااا واسف علي الاطالة


اضافة .. مكان الالم عضمة الرسغ الي موجودة اخر كف الايد وبتكون بارزة وماسكة لحد نص الريست وقبل الجبس كان الالم اسفل العضمة دي بس حاليا اوقات بحس بية واوقات لا لما بلف ايدي واضغط علية وقبل الجبس لما كنت باخد وضع الضغط كنت بحس زي شوكة في نص الريست بالظبط ولما بقوم بحس بالم في نص الريست والعظمة بتاعة الذراع نفسة

 

الحمد لله بحرك كف ايدي عادي وقبل الجبس وفي اول الاصابة مكنتش بعرف اعمل وضع الضغط ومعا الوقت بقيت بجيب عدات ضغط بس لسة في الم موجود لحد ما الالم بقي ثابت علي درجة طفيفة وكنت اعتقد اني خلاص ايام وهخف لحد ما اتصدمت بموضوع قطع في الغضروف دة وبعدها علي طول جبست وانا من كتر التفكير مبقتش عارف اعمل اية ولا اروح لدكتور تاني ولا اعمل اية بالظبط .. حضرتك رايك الاصابة دي علاجها اية وبتاخد فترة علاج قد اية وقرار الجبس كان قرار صائب ولا مكانش لية لازمة وشكرااااا جداااااا لحضرتك

 

بس انا قرأت وسمعت عن الكورتيزون كلام كتير وحش .. الاصابة دي المفروض علاجها اية وبتاخد فترة علاج قد اية بعيدا عن الكورتيزون

 

متشكر جدااا لحضرتك بس هل بعد ان شاء الله ما تخف هقدر ارجع اتمرن تاني واعيش حياتي خصوصا اني ان شاء الله داخل جيش قريب وحضرتك عارف التدريبات بتكون مكثفة والجيش في شهر 11 ان شاء الله

 

انا مش عارف اشكرك ازاي لان حضرتك عرفتني انا عندي اية بالظبط وانا بحثت عن الاصابة في مواقع اجنبية ولاقيت معلومات جيدة عنها بس سؤالي لحضرتك الكورتيزون اعرف انة مسكن قوي لو حصل واخدتة والايد استقرت اتمرن طبيعي ولا اصبر لان الاستقرار دة مجرد مسكن بسبب الكورتيزون

 

استاذ محمد انا عندي نفس المشكلة تقريبا ورحت عند دكاترة عظام لكن مافي فايدة
ما هو التخصص الي اتابع عنده هذه المشكلة

 

شكرا لرد حضرتك مرة تانية .. انا كنت عند الدكتور من 3 ايام تقريبا وقالي استمر في العلاج الي هوة مضادات التهاب ومرهم مضاد للالتهاب وريح ايدك ولو مرتاحتش بعد فترة ناخد كورتزون .. حضرتك شايف اني استني فترة اشوف هيحصل تحسن ولا لا ولا ابدء في الكورتيزون علي طول خصوصا ان عندي جيش زي ما قلت لحضرتك وداخل ضابط وفي تدريبات مكثفة .. وحاجة تانية اول دكتور الي قالي عملية علي طول حذرني من الكورتيزون وقالي اوعي تسمع لحد يقولك احقن لانة بيعمل تليف في الاربطة وبيخلي وضع العملية مستقبلا لو هتعملها صعب الكلام دة حقيقي ولا مالوش اساس من الصحة

 

انا اصلا مش متابع معاة ومش هوة الطبيب الي بيتابع حالتي دة الي بعتني لية اول دكتور رحتلة وسبب اني مروحلوش تاني انة فعلا خوفني جداا لدرجة انة قالي احنا لما بنرجع المريض يعمل ضغط تاني بنقول احنا عملنا انجاز .. انا الدنيا اسودت في عنيا بعد الكلمتين دول وحسسني اني ايدي متدمرة ووضعي حرج جداا والكلام الي كتبتة دة مش تقليل من كلام حضرتك ابدا ربنا يعلم انك كنت سبب في معرفتي الاصابة اية بالظبط واني اقرء عنها كتير واعرف هعمل اية وساعدتني كتير جداا والطبيب الي بتابع معاة هوة الي خلاني اجبس وهوة الي قالي لا ان شاء الله متستدعيش عملية وتيجي بالعلاج وممكن نحقن كورتيزون نفس الكلام الي حضرتك قلتة بالحرف وسؤالي كان عن نقطة ان هل فعلا الكورتيزون بيعمل تليف في الاربطة وبيسبب الكلام الي هوة قالة ولا لا لانة خوفني من استعمال حقن الكورتيزون مش اكتر .. واتمني حضرتك تديني رايك في انسب وقت لاستعمال الحقن بالكورتيزون لاني زي ما قلت لحضرتك عندي جيش استني شوية ولا ابدء حاليا

 

شكرا جداا وجزاك الله كل خير .. حضرتك معني كلامك اني مستناش فترة علي العلاج واخد الحقنة حاليا وابدء علاج طبيعي فورا

 

استاذ محمد عند اي تخصص ارجع مثل هذة المشكلة دكتور عظام ام اعصاب

 

لو سمحت يا كابتن محمد انا الحمد لله الالم حاليا عندي في منطقة الاصابة قل كتير وبقيت اقدر اعمل شوية حركات بايدي بدون الم بس لما بعمل ضغط بحس بالم في عظمة ال ulnar من تحت الربع الاخير من العظمة لحد مفصل الريست وبحس بحرقان فيها والم رغم ان اشعة ال x ray قالت ان العظام الحمد لله سليمة .. دة سببة اية بعد اذنك

 

بسم الله الرحمن الرحيم
​

كنت عملت موضوع من كذا شهر عن اصابة في قطع في غضروف الرسغ والحمد لله مشيت علي العلاج وعملت علاج طبيعي والالم راح بفضل الله بعد 4 شهور علاج بس عندي الم ظهر في ظهر الرست وبيظهر لما اشيل حاجة وكف ايديي لاعلي زي مثلا لما اشيل طفل رضيع بس حاجة وزنها اعلي يعني ودكتور العلاج الطبيعي بيقلي ممكن يكون بسبب الجبس يكون غلط وانا الي اتذكرة ان الالم دة حسيت بية بعد ما فكيت الجبس بس مش متاكد برضو وحاليا الحمد لله بقدر اعمل ضغط الي هوة من ضمن مراحل تاهيل العلاج الطبيعي والالم في ظهر الرست بيظهر بعد ماخلص الضغط وبيستمر لمدة نص دقيقة لدقيقة ويختفي ومش عارف دي اصابة تانية ولا حاجة مؤقتة بسبب الجبس ولا اية والالم بالظبط مكانة عند عضمة ال ulna من الجمب الداخلي للرست .. اسف علي الاطالة وجزاكم الله كل خير