صعوبة تحقيق كمية البروتين المطلوبة يومياً

ي كوتش انا دلوقتي وزني 135هنقول اني هاخد 1.6بروتين ف وزن جسمي يعني 216جم بروتين الموضوع صعب انا اكتر يوم ممكن اعمل فيه 150 مع العلم اني بروح الجيم يعني هل كدا صح ولا غلط ولا ايه

 

لو نسبة دهونك مرتفعة ولسه بادئ تمارس تمارين المقاومة بكثافة او شده تدريبية مش عاليه اوي ، ومش بتجهد نفسك في تمارين الكارديو لساعات طويله ، ومش مبالغ في قص سعراتك لأكثر من النصف مثلا ، ومهتم بجودة نومك كويس ،، فمتشغلش دماغك اوي ب 1.6 او اقل في الفترة الحاليه ، صحيح انه ممكن عدم التزامك بأخذ احتياجك من البروتين قد يؤثر علي عمليه الاستشفاء لديك قليلا مع مرور الاسابيع وقد يعوق عملية البناء قليلا فيما بعد لكنه لن بشكل الفارق الكبير الان ولن يجعلك تفقد عضلاتك

كمان تقدر تحصل 170 جرام بروتين بأقل عدد سعرات ممكنه ولكن بتكلفة مرتفعة نسبيا وده عن طريق ادراج مصادر البروتين التي لا تحتوي علي نسب دهون او كاربوهيدرات بنسب عاليه بداخلها ( 250 جرام من صدور الدجاج ، 30 جرام من الواي المعزول، 250 جرام من الجبن القريش ، 150 جرام من البسطرمه او اللانشون المدخن ، 5 بياض بيض ) ،،وعند إضافة بعض البروتين النباتي الخضراوات الشوفان او المكرونه والفول الخ تصل ل 200 جرام بروتين

 

هي المشكله الوحيده ف التكلفه العاليه بس هحاول جدا......اها نسبي دهوني عاليه وقرأت مقال عن الي انت بتقوله دا بس حبيت اتاكد ....شكرا ليك والله ⁦♥️⁩

 

الأسماك مصدر بروتين رخيص الثمن ،، ممكن تستهلك منها 3 ايام أسبوعيا تعوض العجز الحاصل في الايام اللي مش بتقدر تكمل احتياجك الكامل ،، لكن مع مراعاة حساب اجتياجك من السعرات في المقام الأول 1كجم من سمك الماكريل او البوري وزن اللحم المصفي هيكون 700جرام هيزودك بحوالي 1200 سعره حرارية و 150 جرام بروتين بتكلفة 35 جنيه أو اقل قسمهم علي وجبتين مع الخضراوات بحيث لا تتعدي عدد سعرات الدايت بتاعك ،، في انواع تانيه ارخص ثمنا زي البلطي والقراميط وغيرها ،لكن بشكل شخصي لا افضل استهلاكها بصورة دائمه

 

لدي مشكلة و هي عدم القدرة علي توفير 180 غرام من البروتين بسبب الأوضاع المادية مع العلم وزني 80 كيلو و طولي 1.85