التخسيس وبناء العضلات بأقل تكلفة

ناس كتير طلبت مني نموذج لدايت تكلفته قليلة تناسب ظروف الحياة في مصر، و قررت اكتب البوست ده عشان ألغي الفكرة النمطية اللي عند الناس عن الدايت و أنه لازم تصرف آلاف في الشهر عشان تخس أو تبني عضلات.

مبدئيًا لو حسبنا احتياجاتك من البروتين ب1.6 جرام لكل كيلو للمتدرب الطبيعي اللي مش بياخد منشطات أو هرمونات أو Peptides أو أي حاجة (فكك من اللي يقولك 3 جرام والكلام ده عشان خراب بيوت )

لو شخص وزنه 80 كيلو مثلًا يبقى كده محتاج 128 جرام بروتين في اليوم

النموذج اللي انا عامله ده عبارة عن:
150 جرام بيض (3 بيضات تقريبًا ) = 3.75 جنيه
نص كيلو بطاطا = 2.5 جنيه
100 جرام سردين (علبة سردين بعد التصفية) = 8 جنيه
100 جرام واي بروتين خام(الكيلو ب200 جنيه)= 20 جنيه في اليوم (الواي بروتين اللي في الحاسبة دي 75 لكل 100 جرام مش 80 جرام بروتين عشان كده المجموع 124 مش 128 ).

لو جمعنا الأرقام دي (3.75+2.5+8+20) هنلاقي أنك محتاج تصرف 34.25 جنيه يوميًا عالدايت ده!

فياريت نبطل حجج لأن اللي عايز يعمل حاجة هيعملها.

انستجرام: https://www.instagram.com/fitcul/
تويتر: https://twitter.com/fitculture1
كل مقالاتي في 2016-2018: https://tinyurl.com/yboc4266
للاستفسار عن التدريب الأونلاين: https://tinyurl.com/y8epbs7u

 

هوا النظام هذا يوجد فيه جميع العناصر الغذائية من حديد و فيتامينات لأني ارى نوع واحد من الخضار وشكراً

 

عادي ممكن اللي ماشي على نظام زي ده ياخد أي مالتي فيتامين من الصيدلية

 

كده بتتكلم تقريبا ١٠٠٠ وشوية لفرد واحد
بس للاسف بيكون فيه مسئوليات تاني ومصاريف تانية مش بتتوقف على ٣٤.٢٥
اسف انا مش محبط ولكن بفكر بصوت عالي

 

يعني الناس بتاكل طوب مثلًا يعني؟

 

ههههه ذكرتني بمقطع اربع او ثلاث اشخاص جالسين ياكلون بيضتين
والاربع بيضات بيها تقريبا ال25 جرام بروتين يعني حتى ليس ال25%من البروتين اليومي لي فكيف بهم؟لكن المشكلة ان هؤلاء قد يكونون اقوى منك حتى لانهم يعملون بالزراعة مثلا
انا لااعرف هل هو عدل ام لا؟(اقصد لانهم اقوى منا الذين ناكل ونتدرب)