أستفسار عن " الآم السره " ..؟

السلام عليكم ورحمة الله وبركاته

اخواني انا كان وزني 125 كيلو ونقصت وزني بطريقة غير صحية " خفض السعرات الحرارية لـ 700 سعرة " في اليوم تقريباً .. مع ممارسة تمارين HIIT على جهاز السير الكهربائي لمدة 45 دقيقة يومياً .
والآن انا وزني 68 كيلو ، وقبل 4 شهور تقريباً أتجهت للحديد عشان أشد جسمي و اعالج الترهلات و أبني كتله عضلية ، لكن قبل تقريباً شهر بدأت أشعر ببعض الألم في السرة " زي لسعة الكهرباء " لمدة ثواني وتختفي ، مصحوبة بنبضات بسيطة .. والحاجة دي بتحصلي تقريباً لما بلعب تمارين معدة أو بلعب تمارين الظهر ، كشفت سابقاً عند دكتور عشان اتأكد ان الالم ده مايكونش نتيجة "فتق" لاسمح الله .. الدكتور قال لي ان ده التهاب في السرة وكتب لي شوية مضادات حيوية و دهان و استمريت علية تقريبا 5 ايام واختفى الالم .. ورجعت اتمرن تاني وقبل يومين رجع لي الألم .. سألت الكوتش بتاعي قالي لازم تلبس الحزام في كل التمارين ؟؟
استفساري دلوقتي ، هل الألم ده طبيعي نتيجة الترهلات اللي بالبطن و استمر في اللعب ولا ده ممكن يكون " إنقسام عضلي بالبطن " وياهل ترى ينفع ألبس الحزام في كل التمارين " صدر + ظهر + اكتاف + باي وتراي " .؟؟؟؟

ياليت حد يفيدني بأي معلومات ولكم مني جزيل الشكر والتقدير

 

شافانا الله وعافانا جميعا - اللهم لا شفاء إلا شفاؤك فإشفنا جميعا شفاءا لايغادر سقما
أظن والله أعلم - ده قولون عصبي - القولون العصبي بيسبب مشاكل كتيرة مالهاش علاقة ببعض ومنها ألام السرة
لاعضلات ولا فتأ ولا إلتهاب.... الفتأ إحتماله الأكبر مع زيادة الوزن وليس نقصانه مع ضعف العضلات

الحزام ... لأ ..... ده المنصوح به هنا وأنا أويده بشدة

والله الهادي لسواء السبيل

 

ربنا يكرمك يا محمد2020 , بس ياليت توضح لي نقطة " الحزام " يعني ماينفعش البسه في كل التمارين ، ؟؟ البس الحزام فقط في تمارين " الظهر " بس ؟

 

لو اتعودت عضلاتك وعضامك ومفاصلك على الحزام فلن تنموا أو تقوى بالشكل المطلوب وستعتمد عليه
لو يوجد إصابة محددة أو مرض محدد يعني مضطر فيمكن استخدامه
ممكن لو فيه بطولة
نمي وقوي عضلاتك وعضامك ومفاصلك في وضعك الطبيعي
يعني لاينبغي أن يكون الحزام عادة وانما لسبب محدد ومؤقت

حفظنا الله جميعا من كل سوء