كيفية التصرف لعدم توفر مدرب للمتابعة (مراهق)

السلام عليكم .. عندي سؤال مهم قبل ما أروح الجيم بشكل متواصل ، شهر 5 الجاي هيكون عمري 14 سنة ، وزني حاليا 47.2 كيلو تقريباً وطولي 168 سم على أقل تقدير , بخطط أحجز في الجيم لإني هبدأ اتبع نظام غذائي عشان ازيد وزني بهدف 13 كيلو خلال سنتي ال14 وحبيت استغل الفرصة بدال ما أزيد وزني دهون ملهاش أي لازمة فـ هيكون أحسن لو رحت الجيم واستغليت السعرات الحرارية والوزن الي هزيده ده في كتلتي العضلية وأعمل جسم رياضي بالمرة ، بس المشكلة الي مواجهاني إني عايش في مركز تابع لمحافظة وبالتالي مفيش ولا جيم فالمركز ده هيكون فيه كوتش مؤهل من ناحية الخبرة والمعرفة بكمال الأجسام عشان يحميني من كل المخاطر ويساعدني أوصل للهدف بشكل صح من غير أي تأثير سلبي ويمكن كمان مش هلاقي كوتش يتابع معايا أول بأول ويفهمني الوضعية الصح لكل تمرينة ، فـ حبيت اسأل على الحل؟ مثلاً إكتفي بإني اشوف اي كوتش على اليوتيوب أطبق وراه ولا أعتمد على الشباب الي عندهم اجسام كويسة هناك وآخد منهم نصايح؟ أتمنى مساعدتكم لإني محتار اعمل ايه عشان اتجنب المخاطر

 

اهلا فيك ، اول سنة تدريب تستطيع أن تزيد من 3 - 6 عضلات حسب جيناتك ، ايضا انت في مرحلة نمو سيزداد طولك وسينمو جسمك من المحتمل أن تزيد وزن اخر غير وزن العضلات ؛ نصيحتي لك ان تبدأ في موقع starting strength فهو متكامل ومثري جدا بالذات للمبتدأين ، إذا كنت لا تقرأ انجليزي يمكنك الاستعانة بالمتصفح ليترجم لك

 

شكرا لرد حضرتك ، معنديش أي مشكلة من ناحية اللغة بس حبيت اعرف هل الموقع ده هيغنيني عن وجود كوتش متخصص معايا ويساعدني في تجنب خطر الإصابات نتيجة عدم إكتمال نموي؟