Omar Tarek

انا اسمى عمر طارق,عندى 17 سنه طالب علمى علوم,انا لما كان عندى 15 سنه كنت مبفهمش اى حاجه عن التغذيه و كان وزنى 120 كيلو و كنت باكل اى حاجه الاقيها فى وشى لغاية مكتشفت مدى خطورة الوضع الى انا كنت فيه (الى جانب اسباب تانيه كتير مقدرش اقولها) بس ممكن اقولك اهبل الحاجات الى كانت بتحصل..مثلا مكنتش بعرف البس الشراب لوحدى ولا الجزمه كنت لازم اخد تريقه كل يوم لما انزل من بيتى..فأتخذت القرار و قولت لا لازم اخس بدأت فى الاول و انا مش فاهم حاجه..لا فى التغذيه و لا فى التمرين شهر و التانى و الثالث خسيت كتير اه بس كنت بخس بطريقه غلط للأسف و لما بدأت اقرأ فى التغذيه و عدى شهر و التانى و تعمقت و بدأت اقرأ اكثر و بدأت اشوف كورسات بدأت اكتشف الاساطير التى يتكلم عنها كابتن محمد قاعود جزاه الله خير بجد كان فى تخلف بيتقالى فى الجيم من صاحب الجيم نفسه! فخسيت بس عدت عليا فتره كنت زهقت من الدايت و رجعت اكل تانى و تخنت 13 كيلو بعد ما كنت قربت اوصل خلاص! بس كابتن محمد كلمنى و قالى همرنك و ان شاء الله نوصل للهدف سويا و بدات معاه و خسيت و لسه هخس اكتر ان شاء الله لسه الطريق طويل شويه قدامى بس اهو..انت كمان ابدأ و متستسلمش و اقرأ و ادرس الى انت بتعمله..