إزالة الكرش أثناء التضخيم

السلام عليكم
انا عمرى 28 عام وحكمل 29 فى شهر 9 القادم مع العلم ان وزنى كان حاجه وخمسين كيلو ودلوقتى وصلت ل60 كيلو وطولى 158 سم
انا بتمرن حديد وبنقطع عنه كل فتره بالاضافه الى ان جالى الغضروف برده من فتره واتعالجت منه والدكتور نصحنى بعدم شيل اى اوزان ثقيله ولكن بعد مرور الوقت وبعد ان تعافيت من الم الغضروف رجعت اتمرن تانى حديد وبرده شوية اتمرن وشويه انقطع المهم حبيت اوزن جسمى لقيت وزنى حوالى 56 كيلو شوية وطولى 158 اخدت تركيبه لزياده الوزن من صيدليه لقيت وزنى بدأ يزيد بشكل ملحوظ لحد ما وصلت لوزن ال60 كيلو وهو ده اللى كنت بتمناه لكن طبعى لقيت الزياده معظمها بتجيلى فى بطنى ( منطقه الكرش ) ولما شوفت المنظر انقطعت عن التركيبه فورا لان شكل جسمى بقى وحش جدا يعنى طولى 158 ووزنى 60 والزياده جيالى فى كرش كمان مقدرتش استحمل منظر جسمى نهائى ولحد الان الموضوع ده مسببلى حاله نفسيه بسبب اى هدوم البسها وبتخلى منظرى مش حلو خالص سواء لبست قميص او حتى تى شرت او اى لبس بلاحظ ان بطنى منفوخه بشكل مش حلو خالص ده غير طبعا انى بسهر كتير جدا وبمارس بعض العادات السيئه المضره للصحه والجسم وبشرب شيشه بشكل غير منتظم وبشكل منقطع يعنى مش كل يوم بشربها وبخف منها على اد ما اقدر الاول كانت بتجيلى فتره كنت بشربها صبح وليل كل يوم لكن الحمد لله دلوقتى لو بشربها بيبقى فترات طويله شوية واحيانا بحس ان الغضروف بدأ يشد عليا تانى والالم بيكون فى الرقبه واعلى منطقه الكتف سواء المنطقه اليمين من الكتف او الشمال ولكن مش بنفس الوجع اللى كان بيجيلى اول مرة لما اتعالجت منه ولما الوجع ده بيجيلى بضطر اخد حقنه نيوترون فى العضل بلاقى الالم راح وخف والموضوع ده عاملى برده مشاكل جسديه كتيره اضافه الى انى بطرقع رقبتى كتير جدا والدكتور حظرنى من الطرقعه دى ولكن مش بقدر اتماسك نفسى لما بحس بألم الطرقعه دى بضطر اطرقع رقبتى ويمكن ده اكتر سبب جالى من خلاله الم الغضروف فى رقبتى واعلى كتفى وواحد قالى قبل كده ان يمكن عندي زياده كهرباء فى المخ وهو ده اللى بيسببلى مشكله الطرقعه بتاعت الرقبه لكن لحد الان مكشفتش خالص بخصوص موضوع زياده كهرباء المخ !!!
ده غير كمان انى الدقن عندي لما بتكبر بتكون متقطعه فى وجهى يعنى مش لحيه كاملة زى اللحيه لاى رجل طبعا عملت تحليل واشعه بروستاتا التحاليل بينت انى كامل النضوج وان الذكورة عندي طبيعيه جدا بس عندى خلل او ضعف فى الهرمونات وعندى كام هرمون غير متواجدين فى الخصية الهرمونات الغير متواجده دى اصلا كانت المفروض هى المسئولة عن خشونه الصوت وزياده كثافه اللحيه وده بسبب ان صوتى رفيع مش خشن وبنيه جسمى ضعيفه و شعر الدقن فى وجهى مش مكثف وبيكون متقطع فى وجهى وبيخلى منظر وهيئه وجهى مش كويسه والدكتور كمان اكدلى ان العظام عندى مش ملحومه بشكل منتظم وده اللى بيخلينى اتعب لما اشيل وزن تقيل بحس بالم فى عظام ايدى وعظام الساعد الموضوع ده وربنا اللي يعلم كلفنى برده مبالغ كتيرة بالنسبالى
معلش انا عارف انى طولت بالكتابه عليكم ويمكن صدعتكم بس كان لازم اوضح كل حاجه بتحصلى عشان عارف ان فيه ناس هنا مختصين حيفدونى باللازم ويساعدونى على اد ما يقدروا لانى بجد تعبت قوى فى حياتى وانا سنى يمكن كبير دلوقتى وداخل على الثلاثون سنه من ربيع عمرى لكن جسمى جسم طفل صغير مبقدرش حتى اتمالك قوتى فى شيل اى اوزان غير الحديد بسبب ضعف قوتى من ممارسه العادات السيئة ( العاده السريه والتدخين ) لكن الحديد بقدر اشيله بالوزن اللى يسمحلى اشيله وطبعا كلها اوزان خفيفه جدا مع بعض المساعده فى الاوزان التقيله خصوصا لو تمرينه صدر او ذراع باى
الملخص من كلامى انا محتاج ازود وزنى لحد ما اجيب 75 كيلو بس يكون وزن بعضل صافى وبنسبه دهون خفيفه وانا عارف ان ناس حتقلى الوزن ال60 مناسب جدا لطولى انا فاهم الكلام ده بس انا حابب وزنى يوصل ل70 كيلو وشوية بس يكون بعضل وياريت لو فيه اى حاجه ممكن اتناولها مع التمرين تعلى الهرمونات عندى شوية بحيث ان صوتى يبدا يخشن والاحظ نمو الهرمونات بشكل ملحوظ فى جسمى بس بشكل ميضرنيش صحيا مع العلم ان كان عندى حصو على الكلى ايضا ولكن تعافيت منه الحمد لله وبشرب مياه كتير على اد ما اقدر دلوقتى
ياريت النصيحه يا كوتش وايه اللي لازم اعمله بالظبط ؟؟

 

؟؟؟؟؟

 

محدش قدر يفيدنى يعنى ؟؟

 

تمام انا دلوقتى وزنى حوالى 57 كيلو وطولى 158
وعندى كرش صغير فى بطنى مبوظ شكلها
محتاج اعرف ايه النظام اللى ممكن اتمرن عليه انهى من خلاله الكرش ده وفى نفس الوقت اتخن بس بعضل مش دهون

 

يعنى مينفعش ازيل الكرش وفى نفس الوقت اعمل ضخامه عضليه ؟؟