إستفسار بخصوص شرش اللبن وبدائل البروتين

السلام عليكم
بخصوص بدائل البروتين اللى الناس اتكلمت عنها قررت أنزل المنشية وأشوف محل هناك لواحد أعرفة
لاقيت انه عارف الموضوع وكذا حد بيشترى منه علشان كمال الأجسام وكدة ولما سألتة نسبة البروتين فيه كام قالى حوالى 4%
والشيكارة ب 1200 تقريباً 25 كيلو
ودة اللى مكتوب عليها ومش مكتوب النسبة زى الصورة اللى تحت كدة
سألتة على ال NZMP قالى الشيكارة ب 1500 وبيبيع من كل حاجة كيلوات عادى بس مكتوب عليها 24% بروتين بس وفيه نسبة لاكتوز عالية اوى
فى النهاية أشتريت منه شرش لبن قالى دة اعلى نسبة بروتين والكل بياخد منه والكيلو ب 60 جنيه



لما روحت عملت شوية بحث ولاقيت فى شركة أمريكية عندها شرش لبن مركز بنسبة 80% بروتين
وباقى التفاصيل فى اللينك دة
http://www.thinkusadairy.org/ar-aa/home/products/whey-protein-and-ingredients/whey-categories/wpc-80

وشركة تانية عندها حاجة اسمها Acid Casein Milk Protein Isolate الشيكارة 25 كيلو وفيها 95% بروتين
وباقى التفاصيل فى اللينك دة
http://liusa.com/products/acid-casein-80mesh/
كلمتهم ومحدش فيهم رد عليا لسة
هل حاجة من الأنواع دى متوفر فى مصر من مصدر موثوق
بالنسبة لشركة LACTALIS لاقيت أن ليهم مكتب فى مصر وكلمتهم طلع الرقم خارج الخدمة ودة لينك فيه باقى المكاتب
http://www.lactalis-international.com/en/subsidiaries-offices/egypt.html
ودة العنوان لو حد يقدر يسأل على النوع دة
8 خالد بن الوليد,مصر الجديدة,مبنى الشيراتون الدور الرابع

ياريت لو حد عنده معلومة مفيدة يبلغنا بيها وشكراً لكم جميعاً

 

?