ازاي اعرف الوزن المناسب ليا في التمرين

انا كنت متمرن حديد بصفة متقطعة عندي دراية بانواع التمارين و حدتها و لكن , كنت متقطع و متسرع في اختيار انظمة التمرين و عشوائي و كان هدفي اتمرن و خلاص عشان كنت "بخس و مازلت " و قناعتي ان تمارين الحديد اسلم حاجة للمساعدة على فقد الدهون و كن

انا الان هبدأ باذن الله رحلة جديدة في تمارين الحديد و مش عاوز اغلط غلطات التسرع الي كانت بتؤدي بيا الى الاحباط و عدم الاستمرار

محتاج اولا أعرف ازاي اعرف الوزن المناسب ليا في كل تمرين ! و هل هجرب الأول باوزان مختلفة ولا اعمل ايه ؟

ثانيا و (اتمنى ان حضرتك يا كابتن @محمد قاعود ترد على النقطة دي )

انا ملتزم بالكيتو بقالي شهرين و مرتاح جد و خسيت 11 كيلو 90% منهم دهون بس مكنتش بتمرن
هل حدة التمرين في الكيتو هتكون أقل و هل ده من ناحية الاوزان ولا من نحاية ايه بظبط يعني اخفف اوزاني ولا اعمل ايه لاتفادى اي ارهاق محتمل بالاضافة لو في اي نصيحة ازاي اقدر اخد باور قبل التمرين !

ثالثا : كنت قرأت عن برنامج UPPER / LOWER لدكتور هيلمز و انا اعتقد انه نظام مناسب لي من حيث الوقت و التمارين اي تعليق بخصوصه !

 

طب هل العدات الي انا بجربها دي بتتحسب عليا مجموعة ولا افضل اجرب لحد موصل للوزن الي بجيب بيه بعد العدة السابعة مثلا بصعوبة ؟