الشراء من موقع اى هيرب لمصر

كابتن هو لما اجى اشترى من موقع اى هيرب ويحددلى المبلغ الكلى هل هدفع حاجة تانى فى الجمارك ولا كدة خلاص وازاى اخلى الشحنة توصلى لحد البيت

 

لا في جمرك تقريبا 15 ‎%‎
وعلى فكرة موقع bodybulding
وموقع mucsle andstrngth
عندهم عروض حلوة كتيرر وبشكل دائم تقريبا

 

طب ياكابتن الحاجات ديت ملهاش نسب

 

يعنى انا مثلا لو لية حد فى السعودية ممكن هوة يشترى الحاجات وبعد كدة يشحنهالى على مصر

 

بص يا سيدى انا منتظر وصول شحنة يوم 10مارس الحالى هعمل موضوع مفصل عن الشراء والشحن

الى الان
الشحنة بتصرف 300 عرض على وزارة الصحة 60 موافقة صيدليات 285 مستخلص جمركى
5%جمارك 13% ضريبة مبيعات وطبعا اى مصروفات اخرى كايصال توريد الخزنة وغيرة
اصبر لما الشحنة توصلنى وهبلغك بالتفصيل

 

تمام شكرا

 

يعنى انا علشان اجيب مكملات ب 1600 جنيه ادفع عليهم 1000 جنية

 

الاوردر تمنة 180 دولار هيدخل فى 2000 غير شحنة 850 اصبر شوية وهفيدك بالظبط

 

انت متاكد ؟؟ ان في رسوم غير الضرائب وغير الجمارك ؟؟؟

 

طيب الشحنة المفروض بتوصل لحد البيت امال الجمارك مين الى بيدفعها

 

والله يا كوتش الكلام دة الى حصل معايا
اتصلت 16345 هوت لاين خدمة العملاء
وقالوا الاوردر مشتمل على كابسولات
لازم موافقة صيدليات 60
وطبعا انا جايب كرياتين وواى بروتين
دول بودر قالو فية موافقة من هيئة
الغذاء والدواء وعرض على وزارة الصحة
حتى طلبوا منى صورة البطاقة وش وظهر علشان
يعملوا تفويض ويخلصو هما الموفقات دى
بعد كدة ينفذو اخر بند فى الشحنة الى هوة هوم ديلفرى
وطبعا انا اخطات بنسبة كبيرة لما اخترت انى ابعت عن طريق شركة دى اتش ال
لانى وببساطة على علاقة مباشرة بواحد يقدر يخلص موضوع العرض والكلام الفاضى دة
حتى انو قالى هات رقم الراجل الى هيخلص الورق وانا هدفعة نص فلوس المستخلص الجمرمى
وهلغيلك بند ان الشحنة مكملات غذائية وهخليهالك ادوية استخدام شخصى ومش هتدفع جنية للجمارك
وانا وقفت على دماغى عشان يدونى رقم المندوب قلوا ان دا مخالف لقواعد الشركة التعامل مع المندوب
عن طريقنا وبس وطبعا انا شتمت الرجالة بتوع خدمة العملاء وقولت صعدنى للسوبر فايز المسئول عنكم
ووصفت لة الوضع قالى بكل برود احنا اسفين يا فندم دى قواعد الشركة تقدر يا فندم تمتنع عن الاستلام ونرجع الشحنة
وتدفع شحنها يعنى موت وخراب ديار فانا مضطر هما يخلصوا وادفع وامرى لله

بس انا مش زعلان لان الشخص الى فى جمارك المطار قالى انة يعرف مضيف فى الطيران ساكن فى نفس عمارتة
وقالى لو عزت حاجة بلغنى وهوة يجيبها ونحاسبة عليها ولا موافقات ولاشحن ولاهم يحزنون فخيرها فى غيرها
ودى المصلحة الوحيدة فى الموضوع دة الى مفرحانى لان الجماعة الى انا كلمتهم عن كريق الفيس
نصابين جدا والتجار كمان هدفهم الربح وبس

كان فية حاجة تانية ممكن اعملها انى اجيب مستخلص جمركى تبعى يخلص بس الجماعة بتوع الشحن قالو
ان الشحنة مش هتخرج برة الدائرة الجمركية وهية جاية باسمهم فهو المفروض يروح يسحب المستخلص
ويدفع لهم 250 جنية ويروح يخلص الموافقات وبعد كدة يرجع لهم بالورق يسلمة ويكملو هما اجراءات التسليم
يعنى الشركة طالع واكل نازل واكل والمفروض كل دة لو انا هفوض مستخلص تانى يخلص قبل 10 ايام من تاريخ
دخول الشحنة للجمرك والتاخير يحسب عليك بفلوس ودا طبعا شغل نصب علنى لان الراجل الى تبعى فى الجمارك
قال انك لك 4 شهور فنصيحة محدش يفكر يشترى اى حاجة ولا يشحنها الا لما الحاجة توصلنى وان شاء الله
انا هعمل موضوع مفصل عن الشحن والتكاليف كلها

 

طيب سؤال معلش انا حاليا طالب بردو من موقع bodybilding
وطالب 6علب واي بروتين وعلبتين كرياتين
وانا مش مصري فلازم اعمل اجراءات التخليص الجمركي وادفع كل الكلام دا وله دا يعتبر استخدام شخصي ومفيش الكلام ده

 

حضرتك مقيم فى مصر ام ماذا؟
الحد المسموح بة للاستخدام الشخصى فى مصر 2 كيلوا فقط
غير كدة تجارة ولازم المزفقات حتى لو نفس الكمية دى

 

فى حالت انك تفوضهم للتخليص اما لو انت ساكن جنب قرية البضائع تروح انت بنفسك
ااعمل تصريح من مكتب الامن وتروح تخلص جماركك بنفسك وموافقاتك

 

انا الحاجة الى هاشتريها 2.1 كيلو فكدة هدفع جمارك ولا هتعدى يامروان

 

اي مقيم في مصر
يعني لازم سجل تجاري وشركة وهيك وله عادي بس بياخد جمارك وبيدخلو البضاعة ؟؟