تمرين الاسكوات بشكل صحيح

السلام عليكم...انا اتمرن اسكوت وازيد اوزان ولكن كل ما زاد الوزن مبقدرش انزل نزله كامله...هل الصح اني اخف وزن وانزل للاخر..ام ازود اوزان وانزل نص نزله

 

إذا كنت فعلا لا تسطيع النزول في الوزن الجديد ولم تكن الزيادة كبيرة اي ليس اكثر من 1 - 2.5 kg ؛ هذا يعني أن العضلة لم تستشفي بعد ، إما بسبب سوء نظامك الغذائي ، أو بسبب عدم إعطاء جسمك فترة راحة كافية ؛ على فرض ان العضلة تم تمرينها بشكل صحيح في الجلسة السابقة .

 

بص يا استاذ وسيم...انا بلعب بخمسين وبنزل نزله كامله ...ولكن استطيع العب بميت كيلو وانزل نص نزله ...الأفضل العب بلخمسين ولا الميه.....بس لما لعبت بلخمسين ونزلت نزله كامله جالى شد عضلي في الجانبين من رجلي...هل ده يدل اني لعبت صح ولا غلط ولا نقص في الغذاء

 

اختلفت الاراء فهناك من يرى ان نص نزله أمن من حدوث اصابات للركبه والعمودالفقرى وهناك من قال ان النازله الكامله أمنه كثر لتحريك صابونه الركبه فى السائل الزلالى مما لا يسبب خشونه وتاكل للغضاريف
بس النزله الكامله لازم تكون مأمن نفسك من حيث الحزام وانك تلبس شداد فى ركبتك وتنزل صح ظهرك مش يميل لقدام وانت طالع ولا يميل لوراء وانت نازل
بس طبعا النازله الكامله تكون بالبار الحر وليس بالبار السميث لانه سيسببلك اصابات
أرى النازله الكامله أفضل ولكن تتلعب صح
وخلى بالك فى تمارين الاسكوات والديت ليفت ألعب صح وتدريج اوزان وممكن عدات كتيير لان اصاباتهم وحشه وحفظك الله من كل مكروه

 

طيب هو انا ممكن العب مثلا ثلاث مجموعات وزن خفيف في عشر عدات ....وبعدها ثلاث مجموعات وزن ثقيلا

 

حضرتك بتطلع على المسرح وبتدخل بطولات علشان تشيل وزن تقيل وبتاخد هرمونات علشان بتستشفى وتساعدك على الاستشفاء وتقليل الالتهابات
لو لا يبقى خليك فى المضمون اوزان معقوله فى الاسكوات ومتستعجلش مش عافيه هيا

 

لا لا ولا بطولات ولا مسرح ولكن عاوز العب صح مش اكتر ....ولكن عندك حق انا ايه الى يخليني استعجل