تمرين السكوات بحمل حقائب على الجسم

السلام عليكم ورحمة الله وبركاته
انا اعاني كما سبق واوردت من التهاب الاوتار في الذراع اليمني
وبما اني لا استطيع حمل الاوزان بيدي فكرت اني اضع الاوزان في شنطتين واربطها حول الوسط يمين وشمال
وبالتالي استفيد من الوزن في اداء تمارين الاسكوات بدون ان احملها في يدي المريضه
هل ده صح ويحقق الاستفادة من استعمال الاوزان اثناء تمارين الاسكوات المتنوعه ولا الفكره خاطئة ؟
ارجو الرد والتوضيح ولكم مني جزيل الشكر

 

لا استطيع ان احمل علي كتفي بسبب الالتهاب ولا ان احمل في يدي
اتمرن في المنزل
وضعت اوزان متساويه علي الجانب الايمن والايسر وربطتهم علي الوسط فقام بدورحامل الاوزان وعملت تمارين الاسكوات

 

السلام عليكم
منتظره تأكيد علي صحة فكرتي وانها تعمل عمل حمل الاوزان لتحقيق النتيجة المرجوة
ولكم جزيل الشكر

 

شكراً علي الرد
حعمل انهارده ان شاء الله التمرين بحقيبة ظهر عندي منها وحشوف كتفي حيقول ايه

 

عملت التمرين بحقيبة الظهر وكتفي ماقلش حاجه لحد دلوقتي
حكمل يوم كمان وربنا يستر
انا بعمل ٥ تمارين اسكوات في ٢٠ دقيقة بوزن ٦ كيلو وبكمل ٤٠ دقيقة نط ده كفايه ولا تشوف اني ازود
ياريت تفيدني هل استمر علي كده ولا ازيد
وزني في نزول والحمد لله يوم السبت اسجل نتيجة الاسبوع الثالث باذن الله

 

السلام عليكم
انا قلت حكتب يوم السبت نتيجة الاسبوع الثالث وياريتني ما قلت
انا زودت الاكل من ٧٠٠ سعر ل ١٠٠٠ لاني حسيت انه قليل وخفت ان جسمي يعاند الحرق فطلعت النتيجه لم ينجح احد
خسيت ١٠٠ جرام فقط لا غير بالرغم ان الاسبوع الثاني خسيت ٨٠٠ عشان كده قولت ازود ال ٣٠٠ دول مش عارفه ايه اللي حصل ؟
وانا مالاغبطتش غير بواحد ايس كريم سنداي في الاسبوع كله ولا خرجتش عن المعدل خالص طول الاسبوع غير في كده بس
ماذا تفعل ان كنت مكاني ؟

 

السلام عليكم
شكراً لاهتمامك
انا بفتح حاسبه الطعام علي الموقع واسجل وادوس حفظ واخدت سكرين شوط من المجموع لاني مش عارفه بعد ماعمل حفظ بتتحفظ فين اصلي انا جديده في المنتدي ومش عارفه استعمل كل الادوات المتاحه فالصوره بتاعه انهارده كأول يوم في الاسبوع الرابع اهه وياريت تفهمني التسجيل اللي بعمله او الحفظ ده اعرف ابعته او اقول علي مكانه ازاي لحضرتك عشان تشوفه كامل معلش سنه اولي منتدي
بس نضيف ١٠٠ سعر عباره عن ٣ نسكافيه كلاسيك بربع كوب لبن علي مدار اليوم لاني مش بلاقي النسكافيه باللبن في القائمة وكده يبقي مجموع اليوم كله بالتمام وباستعمال ميزان الطعام الرقمي الجديد
وكل يوم حبعت تسجيل السعرات عشان تشوفه بس لما تعرفني ازاي اعرف مكانه واسفه للاطاله

 

حاضر حعمل كده وربنا يسهل
بس صدقني بمشي طول الاسبوع كويس واخد وجبه فري يوم واحد بس و ٦ ايام تمرين
الاسبوع الاخير هوا اللي خرجت بواحد ايس كريم ساندي وفقط مع ال ١٠٠٠ سعر
شاكره اهتمامك

 

http://www.egyfitness.com/calculatored_page/?id=22745
ده تسجيل الطعام يوم السبت ١٠/١٤ ونضيف ١٠٠ سعره عباره عن ٣ نسكافيه كلاسيك بربع كوب لبن بدون سكر علي مدار اليوم لان القائمه مافيهاش لا نسكافيه بلبن ولا شاي بلبن فيها بس نسكافيه ٣*١ وده مابشربوش
وكل يوم حنزل الرابط لكل يوم ومع الشكر

 

http://www.egyfitness.com/calculatored_page/?id=22770
ده يوم الاحد ١٠/١٥
ونضيف ١٠٠ سعره نسكافيه برده
هل ينفع اني اخد مصل الحليب لتعويض النقص في البروتينات في كل يوم ليساعد علي فقدان الوزن وبناء العضلات كما قرأت ؟
وما هو افضل نوع وكيفية استخدامه ؟
وماعدد سعراته حتي تحتسب من اليوم ؟
وهل ينفع اشتري شرش اللبن من اللبان مباشرة ولا ده يكون فيه دهون عاليه ؟

 

http://www.egyfitness.com/calculatored_page/?id=22806
تسجيل يوم الاثنين ١٠/١٦
ونضيف نفس ال ١٠٠ سعر للنسكافيه باللبن
ارجو الرد علي شرش اللبن هل يفيدني في التخسيس وبناء العضلات ولا لا داعي منه لحالتي؟
وهل الافضل الطبيعي ولا البودر ؟
مع الشكر

 

لماذا تتناولى دايت اقل من ١٠٠٠ سعر مع تمرين طول الاسبوع ونظام فقير فى البروتين ما الهدف من خفض السعرات لهذه الدرجة ؟

 

السلام عليكم
الحرق عندي ضعيف جداً ومن اقل اكل بزيد او علي الاقل بثبت جربت اعدي الالف لم احقق نتيجه فنزلت لتحت الالف الاسبوع ده وحنشوف
والهدف عايزه انزل الزياده اللي حصلت في السنه الاخيره نتيجة خروجي عن معدلي
اما البروتين لا اقصد ان يكون فقير بس اللي حاصل كده بس انوي زيادته بصدور الدجاج لحين الرد عليه من الكابتن في موضوع شرش اللبن او بروتين اللبن
وشكراً

 

انا قرات موضوع علي المنتدي بيتكلموا عن مركز بروتين الحليب وانه افضل من الواي بروتين واقل في السعر ابحث عنه احسن ؟
وكمان انا امبارح عملت من كيلو اللبن شرش انا اعرف طريقة عمل الجبنه من اللبن وعملت كانت النتيجه ٥٦٥ جرام شرش اللي هوا المفروض مصل الحليب و ٣٠٠ جرام جبنه قريش مش الطبيعي يكون احسن من البودره ولا نخاف من البودره تكون مغشوشه ؟
ياريت تقولي الاحسن الطبيعي اللي عملته لاني مياله للطبيعي واقدر اعمله خالي الدسم ولا البودره واذا كان الطبيعي اخد منه كل يوم اد ايه وسعراته كام والبروتين فيه اد ايه واخده امتي ؟
سؤال مركب بس اعذرني ارجو التوضيح عشان ابتدي صح ولك جزيل الشكر