دقة تحليل inbody 270

السلام عليكم,

انا عندى 33 سنة بدأت ريجيم وزن 210 كيلو ووصلت حاليا بحمد الله 107 كيلو, وكان معظم فترة الريجيم بدون تمرين حديد بسبب اصابة لكنى كنت بتمرن سابقا بس مش لمدد طويلة اقصاها شهرين و ابطل بعدها سنة او اتنين وهكذا.
الحمد لله بدأت من فترة فى تمرين الحديد مع الريجيم وعملت تحليل inbody 270 لقياس نسبة الدهون لقيت النتيجة غير منطقية تماما, كمثال دا اخر قياس بعد شهر من تمرين الحديد:
Bf% 15.5
LBM 90.5kg
مشكلتى ان النتيجة دى مش مقنعة لان اولا 90.5 LBM دا رقم كبير جدا وثانيا نسبة الدهون دى مش متناسبة مع جسمى لان صور الاجسام عند النسبة دى مختلفة عنى تماما!!

سؤالى هنا وأسف على الاطالة : هل التحليل دا يعتد بنتيجته ولا اعتمد على حساب محيطات الجسم او معامل الكتلة BMI؟

 

فى البدايه برافوا عليك يابطل انك تخس اكتر من 100 كيلو دا شئ رائع ومحفز جدااا بس اتمنى يكون بدايت صحى من غير عمليات

بالنسبة 90.5 LBM دا طبيعى بالنسبة لوزنك السابق اى حد بدين بيكون عنده كتله اللادهنيه كبيره جدا

استمر فى الدايت وواخسر كل الدهون اللى بتزعجك لحد ماتكون انت راضى عن شكل جسمك وحاسس انه متناسق وعضلات بطنك بدات تبرز

الاجهزه ماهى اللى ارقام على ورق ودرجة دقتها متفاوته جداا

احكم من خلال الصور وانك انت تكون راضى على شكل جسمك

ووممكن تنزل صور لك و يتحدد لك نسبة دهونك

واخيراا برافواااااااااا عليك استمر

 

ربنا يخليك على الكلام الحلو دا , هو فعلا الحمد لله كان ريجيم مع ان ناس كتير جدا فى الاول حاولو يقنعونى بالجراحة بس جه توفيق من ربنا الحمد لله

المشكلة انى عشان احسب احتياجى من البروتين على الكلام دا لو فرضنا 2.5 جم للكيلو lbm يبقى 225 جم يوميا ودا بيخلى اختيارات الاكل محدودة جدا وبحس انو زيادة اوى بدون داعى

 

هى دى ضريبه العضلات البروتين

موضوع النسب 2.5 او 2.2 كلها توصيات لو طبقتها يبقى ممتاز لو مش عرفت تناول اكبر قدر من البروتين تقدر عليه + الاكل اللى بتحبه يقدر يساعدك على الالتزام بالدايت


حاول نزل صور لكى يابطل ممكن تكون ملمهمه ومحفزه لناس كتير فاكره السكه طويله ومستحليه انها تخس كل الدهون دى

 

انا فعلا بعمل كدا, بحاول اسيب كمية من السعرات اليومية لو حتى 100 سعر اكل بيها حاجة بحبها عشان تساعدنى على الالتزا على المدى البعيد

انشاء الله قريب هنزل صورى عشان حد يفيدنى فى تحديد نسبة الدهون الحقيقية اللى عندى