دمج التضخيم والتنشيف

السلام عليكم ..
اخبارك استاذ محمد ؟؟
يا رب تكون بخير يا كابتني ..

عايز اخد رائيك في موضوع يا كوتش بعد اذنك

الموضوع زي ما هو موضح في العنوان كده يا كوتش وهو دمج التضخيم مع التنشيف ..
ولو الموضوع ده قابل للتنفيذ بدون مشاكل هيفرق مع ناس كتير ..

وهو ان الواحد هيبداء من نسبة دهون 10 : 12 % ويبداء بالك بتنشيف يعني ... هنقسم الاسبوع ل 5 ايام ضخامه و يومين تنشيف يعني في ال5 ايام ضخامه هنمشي علي دايت ضخامه عاادي خااالص وفي يومين التنشيف هنمشي علي دايت تنشيف ..

يعني هنضخم 5 ايام والدهون المكتسبة في ال5 ايام دول ننشفهم في يومين ونعيد هكذا ..

يعني ننشف الدهون اول بأول علي طول ...

لو افترضنا ان معانا واحد نسبة دهون 10٪ مثلا ولسة في ليفل مبتدء ويقدر يكتسب في حدود 1.5 الي 1 كيلو عضل شهريا وبيتمرن 6 ايام في الاسبوع بشده وكثافه عاليه واحتياج جسمه من السعرات 2900 سعره في ايام التمرين ويوم الراحه في حدود 2150
تمام .. تمام .. هنخلي الشخص ده ياكل 3400 سعره حراريه لمده خمس ايام هنفترض انه هيكتسب في حدود 180 الي 260 جرام عضل و 170 الي 90 جرام دهون وبعد الخمس ايام هيدخل في مرحله التنشيف لمده يومين وهياكل في حدود 2300 الي 2580 سعره حرارية وده هيكون علي حسب كميه الدهون المكتسبة في فتره الخمس ايام يعني من خلال كمية الدهون المكتسبه في فترة الخمس ايام دول هنحدد كمية العجز اللي هنعملها في سعراته في اليومين دول ..

وممكن نخلي يوم الراحه يوم من ضمن اليومين التنشيف يعني هياكل من 1550 الي 1835 في اليوم ده

طيب اللي خلاني افكر في الموضوع ده كتير واكتب واسال حضرتك فيه ان لو النظام ده قابل للتنفيذ علميا وعمليا هيكون ليه مزايا كتير اووي زي :
التخلص من شكل الدهون الزائد في فترة التضخيم ( يعني راحه نفسيه كبيرة ) ..
القابلية الكبيرة للزياده العضليه والبناء بسبب انخفاض نسبة الدهون في الجسم ..
استقرار هرمونات الجسم واستقرار معدل الايض مما هيؤدي للراحه النفسيه وانعدام التوتر والضغط النفسي الذي يحدث في فترات التنشيف العادية ..
نسبه دهون الشخص هتكون قليله طول السنه ..
وممكن لو حد قرر يشارك في اي بطوله يقدر يجهز في وقت قليل اووي وبكل سهوله للوصول لتنشيف عالي 8 - 7 ٪ مثلا

بص يا كابتن هي الفكرة فكرتي بس مش متأكد اذا كانت هتبقي فكرة ناجحة علميا وعمليا ولا لا .. بس علي حسب معلوماتي وعلمي المحدود جدا انا شايف انه نظام مش مستحيل وزي ما حضرتك بتقول
( الطاقه لا تفني ولا تستحدث من عدم )
..
و احتمال تكون فكره عبيطه وفاشله بس برده حاجه كويسه ان الواحد يحاول يفكر ويطلع حاجه جديده في المجال اللي بيحبه وانا قبل ما اكتب الموضوع ده انا كنت متردد اووي وحسيت انه ممكن يكون موضوع غبي او سخيف بس برده الفكرة تستحق اني اطرحها حتي لو مش حاجه قابله للتنفيذ علميا فكفايه اني حاولت افكر في حاجه جديدة ، ولو الموضوع جيد وقابل للتنفيذ يا ريت تفيدنا اكتر كابتن محمد وتأكدلي ع النظام ده علميا ..

وسامحني لو فيه اي خطأ علمي صدر مني في الموضوع ده تصححهولي كابتني .
وسامحني ع الكلام الكتييير ده

وشكرا مقدما كابتني الاستاذ محمد قاعود

 

طيب تمام طب لو نفذنا الموضوع ده في اطار 20 يوم تضخيم و10 ايام تنشيف هتبقي ساعتها فكرة ممكنه ؟؟!! وهلاقي منها النتيجه اللي انا عايزها . يعني زياده عضليه بدون زياده دهون كل شهر ... وهل هكون ساعتها في مرحله زياده دائمه مع الحفاظ علي نسبة دهون قليله علي طول ؟؟؟!!!

تمام .. طيب لو نفذناها في اطار 20 يوم تضخيم و10 تنشيف ساعتها احنا هنكون في ال10 ايام التنشيف مش منتظرين اي زياده عضليه بل ان الهدف فيهم هيكون احراق الدهون الزائدة فقط .. .
.

و فعلا صاحب بالين كداب .. بس الموضوع ده لو هينفع بالطريقه ديه هيبقي كويس اووي لناس كتير

 

• القفز من مرحلة الى مرحلة وادخال الجسم بعجز او فائض مفاجئ لن تكون النتائجة مرضية

• من الصعب جدا متابعة النتائج وقياسها الى مخبريا

• الناائج بطيئه جدا وليست مرضية وتبدو انها متوقفه وبلى فائدة

• اكتساب العضلات يحتاج الى التركيز والمتابعه التركيز الذهني على اهدافك