ساعدونى عملت اكتر من ريجيم وفشلت

عملت اكتر من ريجيم وفشلت
كنت ببتدى من 140 تقريبا ووصلت لغاية 96
والسنة دى وصلت 150
وعملت صيام متقطع ابتديت 16 ثم 18 وحاليا 20 ساعه صيام فترة الاكل اربع ساعات قبل الفطار بنص ساعه قرص شاى اخضر وقبل الفطار مباشرة قرص تانى
الفطار 200 جم جبنه قريشه بالجزر والخيار لان الطماطم بتهيج القولون عندى + 3 بيضات مسلوقه
او علبة فول معلب من غير زيت
الغدا ممكن 200 جم بانيه فراخ فى 10 جم زبده
او سمكه مشويه او طبق شوربة عدس 500 جم مثلا او طبق حمص شام مع السلطه طبعا
بين الفطار والغدا تفاحه او اتنين العشا / 2 زبادى لايت او برتقال احيانا بكتفى بالغدا فى نهاية الاربع ساعات وبكون شبعان جدا
فى فترة الصيام من 5 المغرب لغاية الواحده ظهرا بشرب مياه كتير + شاى بالنعناع او نعناع او ينسون بسكر دايت او ممكن واحده بيبسى دايت كل كام يوم بروح الجيم الساعه 12 بالليل بعد الشغل بلعب تمارين كارديو بس وبروح مشى للبيت بعد التمرين نص ساعه تقريبا ابتديت 25 مارس كنت 150 كيلو حاليا 140 كيلو بعتمد على جهاز الديكسى فى الصيدليه فى قياس الدهون والعضلات
الوزن 140 كيلو حاليا
الطول 172 سم
المشكله انى بشبع من الاكل ده واحيانا كتيره لا اصل الى 1000 سعر حراريه
عموما لم اتخطى نص السعرات اليوميه
اقصى سعرات وصلت لها 1600 سعر
فى حين ان جسمى محتاج فوق 3000 سعر
على جهاز الديكسى فى الصيدليه
نسبة الدهون 50 فى الميه
نسبة العضلات 20 فى الميه
بوزن كل يوم الصبح فى نهاية فترة الصيام فى البيت
بلاحظ احيانا نزول وزن كبير ممكن يصل الى كيلو فى اليوم الواحد
واحيانا لا
ممكن 300 او 400 جرام
وممكن ايام لا يتغير الوزن
ارجو النصيحه من استاذ محمد قاعوه وباقى الاخوه
وهل كده ممكن اكون بحرق عضل ولا دهون
تحياتى لكم جميعا