فيتامين C وعلاقته بالـ (كرش - نزلات البرد - هرمون الذكورة) !

الموضوع في 'المكملات الغذائية و الأدوية' بواسطة Ahmedzone27, بتاريخ ‏27 نوفمبر 2018.

  1. Ahmedzone27

    Ahmedzone27 Well-Known Member

    إنضم إلينا في:
    ‏23 سبتمبر 2016
    المشاركات:
    216
    الإعجابات المتلقاة:
    290
    نقاط الجائزة:
    63
    الجنس:
    ذكر
    الإقامة:
    مصر
    الصفحة الرئيسية:
    السلام عليكم ..
    هنتكلم عن فيتامين C وازاي له علاقة بحاجات كتير !

    [​IMG]

    ➖➖➖➖➖➖➖➖
    - موجود فين في الأكل؟
    ➖➖➖➖➖➖➖➖
    :rolleyes:- الجسم مش بيصنعه ، ولذلك بدأت قصته لما مجموعة من البحارة الإنجليز كانوا مسافرين فى رحلة وأكلهم كله مُعلب لكن فجأة بدأ يظهر عليهم أعراض مرض غريب .. الناس بتتعب ويجيلها تقرحات ونزيف ف اللثة ومفاصلهم تورم .. ايه ده احنا اتحسدنا ؟ لأ احنا 800 بحار مين الخارق اللي عينيه تعمل كده ! .. فجالهم دكتور وبعد تفكير قاعد قايم واقف نازل طالع رايح ناجح ساقط شاكب راكب تقولش شاب في التلاتينات استنتج ان الأكل بتاعهم مفيهوش فيتامين سي ولأن الجسم مش بيصنعه ولا بيخزنه لأنه بيدوب فى المياة والزيادة منه بتنزل مع البول .. فكانت دي النتيجة.
    :rolleyes:- طبعا حاليا عرفنا انه مش بس موجود فى الحمضيات زي البرتقال والليمون وبس.. لكن ده موجود بكميات اكبر بكتير فى الجوافة والفلفل سواء أخضر أو ألوان والفراولة .
    :rolleyes:- اللذيذ فى الموضوع إن بمجرد ما تبدأ تاخد جرعات فيتامين سي في أعراض كتير هتلاقيها بتختفي خلال أيام مباشرة
    :
    ➖➖➖➖➖➖➖➖
    - فوايده:
    ➖➖➖➖➖➖➖➖
    1- :rolleyes: (الكرش) ..
    من أكتر الفوايد اللي هتشدك .. إنهم في الدراسات لقوا علاقة بين نقص فيتامين سي وزيادة دهون الجسم وفي دراسة تانية الكرش تحديدا .. بس لسه محتاجين دراسات تفسر الموضوع أكتر ! (طبعا التخن لوحده مش دليل على نقص الفيتامين انت ممكن تكون مش مظبط سعراتك أصلا) . دراسة (1،2،3)

    2- :rolleyes: (الذاكرة) ..
    لاحظوا ان مستوى فيتامين سي قليل عند الناس اللي عندها مشاكل في التفكير او الذاكرة (dementia) وان لما تاخد vitamin c ممكن يأخر المشاكل دي (محتاج دراسات أكتر تفسر) . دراسة (4،5)

    3- :rolleyes: (مهم لتفادي الترهلات) ..
    (مهم للجلد والبشرة ) فمثلا بيحفز انتاج الكولاجين وبيخلي الجروح تلتئم أسرع .. و(مضاد للأكسدة) بما انه مضاد اكسدة فبيحميه من الاكسدة اللي بتحصل بسبب الشمس او الملوثات .. دراسة (6،7،8)

    4- :rolleyes: (تأثيره على امراض القلب) :
    ▪️- (تقليل الضغط) ..دراسة (meta analysis) قالت استخدامه كمكمل بيقلل ضغط الدم سواء للأصحاء أو ناس عندها الضغط عالي بس لسة محتاجين دراسات أكتر هل التأثير ده مستمر على المدى الطويل ولا لا . دراسة (9)
    ▪️- (تقليل فرصة الاصابة بالشريان التاجي) .. 9 دراسات وبمتابعة الناس 10 سنين لقوا ان الناس اللي خدوا 700 مجم يوميا منه احتمال الإصابة بالشريان التاجي أقل بنسبة 25% من اللي مخدوش مكملات. دراسة (10) ، وفي 13 دراسة توصلوا لـ إن جرعة 500 مجم يوميا منه قللت العوامل اللي بتؤدي للإصابة بأمراض القلب زي الكوليسترول الضار والدهون الثلاثية . دراسة (11)

    5- :rolleyes: (تأثيره على النقرس) :
    فمثلا دراسة اتعملت على 46,994 رجل معندهمش نقرس وبمتابعة لمدة 20 سنة لقوا ان اللي خدوا مكملات vitamin c خطر الإصابة بالنقرس كان أقل بحوالي45% ، دراسة (12)، واتعملت 13 دراسة (meta analysis) قالوا ان مكمل vitamin c لما اتاخد على مدار 30 يوم قلل الـuric acid في الدم . دراسة (13) ومع ذلك في دراسة قالت ان 500 مجم من vitamin c لمدة 8 اسابيع ما كانش ليه تأثير على الـuric acid لأشخاص مصابين فعلا بالنقرس . دراسة ( 14 - 1 )

    6- :rolleyes: (بيزود امتصاص الزنك) و(الحديد) :
    وده اتكلمنا عنه هنا: https://goo.gl/yf7f5Y

    7- :rolleyes: (تحسين وظيفة الخصية) :
    لما الخصية بتكون أضعف .. ده بيثبط تركيزات هرمون الذكورة .. فلاحظوا آثار وقائية على الخصيتين عند الرجالة عند جرعة 1000 ملجم من فيتامين سي يومياً. دراسة (14 - 2)
    :
    ➖➖➖➖➖➖➖➖
    - هل بيمنع او بيعالج نزلات البرد؟
    ➖➖➖➖➖➖➖➖
    :rolleyes:- ( فيتامين C ) مش بيعالج نزلات للبرد ..بس بيقلل من أعراض البرد، لأنه بيحفز إنتاج خلايا الدم البيضاء .. ودي جرعات ممكن تاخدها مع نزلات البرد :
    ▪️- جرعة 1-2 جرام في اليوم للأطفال .
    ▪️- جرعة 6-8 جرام في اليوم للبالغين .
    :rolleyes:- ( نقص فيتامين C ) بيضعف المناعة .. و( زيادته ) مع نزلات البرد بتحافظ على مناعتك متقلش .
    :rolleyes:- (وقت نزلات البرد) تقدر توصل بالمكملات منه لجرعات أعلى من الطبيعي عشان فيتامين c بيقل بسرعة فى الدم والخلايا المناعية . دراسة (15، 16، 17 ، 18)
    :
    ➖➖➖➖➖➖➖➖
    - طب الزيادة منه في ضرر منها؟؟
    ➖➖➖➖➖➖➖➖
    :rolleyes:- الأفضل تاخده من الأكل .. وسهل توصل للاحتياج اليومي منه من غير مكملات .
    :rolleyes:- لو هتاخد مكملات متزودش عن 2 جم او 2000 مجم .. لو زادت عن كده من المكملات ، ممكن تسبب اعراض جانبية زي:
    ▪️- ( حصوات الكلى) .. لان الفيتامين بيتحول في الجسم لحمض اوكساليك اللي تراكمه بيكون حصوات على هيئة اوكسالات كالسيوم .
    ▪️- (اضطرابات الجهاز الهضمي) .. زي الغثيان والإسهال .
    ▪️- ( هيأثر على الكبد والقلب والبنكرياس ) .. لمرضى (ترسب الأصبغة الدموية = hemochromatosis)، لأن فيتامين c بيزود امتصاص الحديد والمرضى دول اصلا بيتراكم الحديد بكميات كبيرة في جسمهم .. فالكبد والقلب والبنكرياس بيتضرروا. دراسة (19 ، 20 ، 21 ، 22)
    :rolleyes:- طب ليه متاخدوش بكميات كبيرة قبل التمرين ؟! .. النقطة دي اتكلمنا عنها بالتفصيل هنا : https://goo.gl/fsYxDH
    :
    ➖➖➖➖➖➖➖➖
    - الجرعات المناسبة: (23)
    ➖➖➖➖➖➖➖➖
    :rolleyes: افتح الصورة دي عشان تشوف النسب .. وتعرف المدخنين ياخدوا ايه !
    ـ https://goo.gl/CfyBa4

    ==========================
    المصادر: https://goo.gl/19QLVt
    الصفحة : Yalla Transform
    كابتن : Ahmed Adel
    - Sohaila Adel
     
    أنس بجبوج ،Mostafa1994 و M.M.M معجبون بهذا.
ابدأ برنامجك للتخسيس و المتابعة مع كابتن محمد قاعود

ابدأ برنامجك للتخسيس و المتابعة مع كابتن محمد قاعود

لو تحتاج برنامج غذائي و تدريبي لخفض نسبة دهونك تحت ال10% بدون تجويع أو حرمان، أضغط على البانر بأعلى للتواصل مع كابتن محمد قاعود

جاري تحميل الصفحة...
مواضيع مشابهة - فيتامين وعلاقته بالـ
  1. fadi066
    الردود:
    1
    المشاهدات:
    339
  2. Yossef bondok
    الردود:
    0
    المشاهدات:
    951
  3. ليل مظلم
    الردود:
    2
    المشاهدات:
    842
  4. AhmedTaha
    الردود:
    1
    المشاهدات:
    1,798
  5. aboalaz
    الردود:
    8
    المشاهدات:
    1,077
  6. abdulrzag
    الردود:
    0
    المشاهدات:
    671
  7. كيرلس
    الردود:
    2
    المشاهدات:
    678
  8. M.M
    الردود:
    4
    المشاهدات:
    803
  9. Msha3r Ensan
    الردود:
    3
    المشاهدات:
    597
  10. mohamed_houssen
    الردود:
    1
    المشاهدات:
    1,020

مشاركة هذه الصفحة