فيديو منتشر لكابتن شريف حسني ( موضوع للنقاش )

https://m.facebook.com/story.php?story_fbid=2185353501730396&id=670477686377365

بالصدفة شفت الفيديو ده نازل على صفحة من صفحات الساركزم على فيسبوك و كانوا بيتتريقوا عليه، و شفت واحدة في صيدلة معاها ISSA -والمفروض انها مدربة يعني بدون ذكر اسماء- عاملة شير و بتتريق عاللي بيتعمل في الفيديو، و لايكس بالهبل بقى و تريقة من مدربين و متدربين عاديين ( ما هي زيطة بقى ) و ممكن اللي بيتتريق يكون مبصش عالفيديو اصلا بس مش مصدق انه لقى حاجة يضحك ويتتريق عليها.

انا كان عندي تعليقات عالڤيديو:
اولا: الطريقة دي مبتعملش اي حاجة زيادة للكتف ولا فيه داعي ان حد يطلع كل ده، مفيش ولا دراسة او بحث ولا مدرب لقى بخبرته ان ده مفيد.

ثانيا: الGrip دي بتعزل الSupraspinatus اكتر يعني مفيدة للRotator Cuff و بتكون آمنة اكتر للكتف و بتجيب نتيجة افضل لما يمسك الدمبل كده.

ثالثا: الراجل كان بيعلم المتدرب ازاي يتحكم في الAbdominal bracing وهو فعلا بيمرن بطنه كده و بيستفيد من كذا ناحية، و ده بقوله لاني شفت ناس بتتريق وبتقول "هو بيتمرن بطن ولا بيعمل ايه؟"
ايوة يا حبيبي بيتمرن بطن و ابقى اقرا مقالات باور ليفتر اسمه Greg Nuckols او دكاترة علاج طبيعي بيفهموا زي Quinn Henoch او اقرا مقالات في مواقع محترمة زي Suppversity قبل ما تهري في حاجة زي دي.

رابعا: ياريت نبطل نتتريق على اي حاجة نشوفها وخلاص، يعني احنا هنا بنتكلم في حاجة جديدة مش حد بيناقش ان الاكل قبل النوم بيزود الوزن او ان الركبة لما تعدي مشط الرجل في السكوات تبقى بتلعب غلط، انت ممكن تنتقد اللي شايفه بالتفصيل عشان اللي فاهم او مش فاهم يستفيد لكن طريقة السف على اي حاجة مش بتوصل لحاجة غير الجهل والعك و هنفضل في نفس الدايرة المفرغة بقى.

 

ايوة ده حقيقي، انا كل اللي معجبنيش في الفيديو هو انه بيطلع لفوق كل ده