كيفية زيادة وزن العضلات

اولا السلام عليكم و رحمة الله و بركاته​

انا مبتدىء فى كمال الاجسام بدات اتمرن من 4 شهور تقريبا و عندى نتائج غريبه اوى اولا انا اول يوم روحت فيه كنت عضلات 27 كيلو و دهون 33 فى الميه طولى 170 وزنى وقتها 75 كيلو

نظام اكلى هو فطار 4 بيضات من غير صفار او علبه تونا

بعد 3 ساعات موزه و بروتين 25 جرام باللبن

بعد ساعتين تفاحه

بعدين بتمرن

بعد التمرين على طول 2 سكوب بروتين 50 جرام

بعد التمرين بساعة ساعة و نص باكل نص فرخه مشويه او مسلوقه او سمكه مشويه او لحمه و 4 معالق رز

بعديها بساعتين او 3 العشا علبة تونا

و قبل النوم بنص ساعه بروتين باللبن 25 جرام


فضلت اتمرن شهرين و نفس النتيجه تقريبا انزل كيلو دهون و اطلع كيلو عضلات بعدين ترجع تانى زى الاول الغريبه جدا ان وقو راحاتى الطويله زى اجازه العيد الصغير مثلا لقيت نفسي زايد 700 جرام عضلات و ناقص كيلو و نص دهون من غير دايت كنت بخربها وبقول وقت راحه و براحتى و كده

العيد الكبير و اجازه اطول كانت افضل نتيجه ليه وصلا 28 فى الميه دهون و 29.5 عضلات رجعت اتمرن بقالى اهو 3 اسابيع تقريبا الاقى نفسى زايد دهون 30 فى الميه ناقص عضلات 28.6 ؟؟ ايه ده ازاى ارتاح ازيد عضلات بالكيلو و ازاى اتمرن بشدة و بزود اوزان و انقص عضلات ازاى أفطر الصبح بيتزا فى اجازه العيد و ارجع ناقص كل الدهون دى 2.5 فى الميه و اعمل دايت و اخد بالى ازيدهم تانى

المكملات الى باخدها بروتين واى ايزولات و كرياتين Bcaa و C4

ياريت الكباتن يساعدونى اعمل ايه عشان مفضلش انقص عضلات و ليه بزيد عضلات و انا مبتمرنش اصلا و باكل براحتى

 

هدفى ازاى ازيد عضلات و انا بتمرن ايه الى بعمله غلط يخلينى كل ماتمرن انقص عضلات و لما بريح بزيد عضلات و عشان كده ذكرت كل شىء بعمله من اول الاكل للتمرين للمكملات

 

شكرا جزيلا يا كابتن و همشى على النظام اسبوعين انا ماشى على ميزان الجيم In-Body