زيادة معدل حرق الدهون

السلام عليكم ورحمة الله وبركاته
انا لما دخلت المنتدي كنت ٧٠ كيلو وكنت اعاني من الحرق الضعيف نظراً لريجيمات قاسية كتير عملتها وكارديو كتير
حسبت الاحتياجات طلع ١٨٩٧ حسب ما اتذكر والمفروض اني اخفض ٥٠٠ بس انا خفضت ٩٠٠ عشان ضعف الحرق وفعلا كنت بخس كل اسبوع من ٣٠٠ ل ٦٠٠ حسب التزامي
وبعمل تمرين حديد ٤٠ دقيقة وبعده ٣٠ دقيقة مشي ٣ ايام بالاسبوع
وال ٣ ايام التانيين نط او hitt
وفجأه الاسبوع اللي فات اخس ٩٠٠ جرام والاسبوع ده ١٤٠٠ وانا علي نفس الجدول من السعرات بميزان المطبخ والتمارين
يبقي تغيير الفاقد من الوزن الاسبوعي ده جه منين هل تمرين الحديد اللي بقاله ٧ اسابيع والكارديو زود الحرق عندي لمعدلاته الطبيعية ولا في ايه حد يقولي وزني انهارده ٦٣ كيلو

 

لو انتى حساباتك مظبوطه لحساب احتياجك من السعرات استحااااااله تخسى دهون اكتر من مقدار العجز اللى عامله فى السعراااااااااااااات

جسمك من مش هيحرق دهون اكتر من مقدار العجز

انتى بتقولى عامله عجز 900 سعر يعنى تخسى 900 جرام اسبوعيا من الدهون

خسارة وزن على الميزان تفسيره انك خسرتى دهون + مياه مع استبعاد خساره العضلات لانك بتقولى بتلعبى حديد

وفكك من الميزان ومش تطنططى عليه كل اسبوع ماهو الا وسيله لفشل الدايت

اعملى عجز فى سعراتك واستمرى لفتره طويل واتركى جسمك يعمل مايفهمه جيدااااااااااا فى صمت

 

حكمل علي نفس العجز اللي هوه ٩٠٠ ماشي
وبشرب من ٢ ل ٣ لتر في اليوم ماء يبقي المفروض ان السوائل اللي في جسمي مش قليلة
وسيبني من نتيجة الاسبوع الاخير
لكن نتيجة الاسبوع اللي قبله بيقول ٩٠٠ جرام يعني اد العجز يبقي الاجابه اني بقيت احرق بمعدل طبيعي مش زي الاول اعمل عجز ٩٠٠ تكون النتيجه من ٣٠٠ ل ٦٠٠
ده مش حيتأكد الا لما اجرب اسبوع اعمل عجز ٥٠٠ بس من احتياجاتي واشوف النتيجه لو خسيت ٥٠٠ يبقي الحرق بقي عندي طبيعي ونحمد ربنا
ولو طلع اعلي يبقي في مشكلة
ولو اقل يبقي حرقي زي ماهوه ضعيف عادي يعني وبرده نحمد ربنا
حجرب ونشوف

 

لن تستطيع التعامل مع جسمك بمثل هذه الطريقه

والميزان ليس الطريقه الصحيحه لمعرفة خسارة الدهووووووون