استفسار - بخصوص تقييم البرنامج الغذائي

السلام عليكم ورحمة الله وبركاته

اريد استفسر منكم اخواني اذا كنت عم اشتغل صح او لا

انا وزني 90 وطولي 185 وحسب حاسبة قياس الدهون بالموقع نسبة الدهون عندي هي 22%

وحسبت السعرات الحرارية اللازمة حسب "كاتش ماكردل" النتيجة هي 2838 سعر حراري /يوم

عملت لنفسي برنامجين غذائيين والصور موجودة بالمرفقات

هدفي هو حرق الدهون

عم اتدرب 6 ايام بالاسبوع ... تماريت حديد بشكل عام 8 عدات 3 جولات مع زيادة الوزن بكل جولة

وبصراحة ما بعرف اذا كانت السعرات الحرارية بالبرنامجين مناسبة

وكمان اذا كان البرنامجين مفيدين من حيث انواع الاكل الي فيهن

وشكرا للجميع.

 

مافهمت عليك بالضبط

يعني انا لو نقصت البروتين رح تنقص السعرات الحرارية بشكل عام

مثلا في الصورة المرفقة صارت نسبة البروتين 143 بس مجمل السعرات 1067
وعلى الحاسبة اعطاني اني احتاج يوميا 2838 يعني اذا بنقص 1800 سعرة هالشي مارح يكون مضر !!؟

ارجو التوضيح لاني مبتدأ

 

شكرا لك هلق فهمت

سؤال اخير مع هذا النظام 2000 سعرة 150 بروتين 150 كربوهيدرات 60 دهون

ممكن احرق الدهون واكسب كتلة عضلية بنفس الوقت ؟

 

يعنى كيلو قبل الطهى ودا صعب

لازم الكل يغلط الغلط دا فى بداية الدايت قبل و بعد الطهى

 

سؤال أخ راشد ليش بدك تبلّش بـ 1800 سعر ؟ مع العلم انو احتياجاتك متل ما حضرتك ذكرت 2800 !!
وليش بدكّ تتدرب ست أيام بالأسبوع ؟

 

عفوا بس انا ما ذكرت 500 غرام صدور دجاج

 

مافي سبب للارقام المذكورة بالضبط

بس انا هدفي حرق الدهون وبناء كتلة عضلية ومتل ما ذكرت فوق انا مبتدأ بموضوع تنظيم الأكل والسعرات

وعندي وقت حاليا اني اتدرب 6 ايام بالاسبوع فقلت بدون ما يضيع هالوقت عالفاضي

مع العلم انا وزني كان 127 والحمد لله هلق انا 90 بس كنت العب غلط من قبل لهيك ما حرقت الدهون بشكل صحيح وبدي كمل ان شاء الله للنتيجة الي ببالي

 

كنت عامل ريجيم من قبل ؟
اذا اي كم الك مخلّص هدا الريجيم و شو كنت تاكل ؟

 

اي كنت عامل ريجيم ما كنت اهتم شو نوع الاكل الي اكله بس كنت اكل وجبة وحدة باليوم وقليلة جدا

صرلي تقريبا سنة ونص موقف الريجيم والتمرين وصرت اكل كلشي زدت من وقتها لهلق 5 كيلو

ومن اسبوع رجعت عالريجيم مع التمرين بس هي المرا عم احسب شو عم اكل مشان بناء عضل مع حرق الدهون لاني طويل 185 سم لما نزل وزني لل 85 صار جسمي ضعيف كتير وهزيل

لهيك ما بدي اوقع بنفس الخطأ

 

طيب أخي راشد
رح انصحك نصيحة و انتي بتقرر
انسى كل شي تعلمتو قبل ما تفوت عالمنتدى و تقرأ المعلومات والمقالات المكتوبة .
1- نسبة الدهون عندك 22 % وبدك تنزل لنسبة 8% تقريباً رح يلزمك بين الـ 20 - 24 أسبوع , أنا زودت شوي لأن ما بتعرف شو ممكن يصير معك , كمثال ممكن يثبت وزنك و بالتالي رح يلزمك دايت بريك تاكل فيه احتياجاتك من السعرات و بالتالي رح تزيد المدة .
2- احتياجك اليومي هوي 2500 لأن رح تتدرب تلت مرات بالأسبوع و رح وضحلك بعدين , نصيحتي إلك تبدأ بـ 2000 سعرة و تجرب حالك شهر و تشوف نسبة انخفاض الدهون بجسمك , طبعاً البروتين كحد أدنى 160 و مافي مشكلة بالزيادة طبعاً , الدهون حد أدنى 45غ و ما لازم يكون أكتر من 80 , الألياف ما كتير مهمة بس كتوصية لازم تاكل بحدود الـ 30 غ مشان البراز , باقي السعرات من الكارب , كمثال بسيط :

http://www.egyfitness.com/calculatored_page/?id=15646

3- وقت بتشوف حالك ملتزم بهدا النظام و ما عم تلاقي انخفاض بنسبة الدهون بتستخدم أول كرت من الكروت المتوفرة عندك و هو تنزيل السعرات للـ 1700 سعرة .
4- بخصوص التمرين بنصحك بتمارين زيادة القوة 5×5
إقرأ هنا:
http://www.egyfitness.com/كمال-اجسام-تمارين/2/

أيضاً هنا لتعرف كيفية الزيادة :
http://www.egyfitness.com/زيادة-الاحمال-الدورية/

أيضاً هنا لزيادة التركيز :
http://www.egyfitness.com/mmc/

هنا أيضاً لزيادة معلوماتك
http://www.egyfitness.com/كمال-اجسام-تمارين/
..........................................................

قم بالتدريب على برنامج 5×5 لمدة شهر و ستلاحظ فرق كبير في عضلاتك و تذكر أن المهم هو الالتزام بالدايت و بدونه لن تستفيد من التمرين .

أخيراً :
تذكر أنك تبدأ الآن بتغيير حياتك و تحتاج الصبر على جسمك فلكل جسم طبيعة و يحتاج وقت للتغيير , و أقتبس مقولة للأخ تيم أن الشهادة الجامعية تحتاج لـ أربع أو خمس سنوات لكي تنالها و لذلك لا بد من الصبر لأنه عليك واجب .
و لا تخجل من الأسئلة فكلنا نتعلم كل يوم معلومات جديدة هنا ..

والله الموفق