الترهلات بعد الريجيم

ارجوكم، تعبت واريد استشارتكم في امري
انا وزني (52) كيلو وطولي (168)سم وعمري (15) عام عملت ريجيم وخسيت كمية كبيرة جدا من الوزن، حاليا انا مواظب علي التمارين الرياضية وعندي كتلة عضلية لا بأس بيها وجسدي أصبح نحيف جدااا ولكن مشكلة الترهلات البطن تعبتني فمثلا وزني لما كان (60) ولاحظت بطني قولت اكيد ممكن تكون دهون وضغطت علي نفسي وخسيت (8) كيلو اضافيه لكن ما اكدبش عليكم انا بقيت عضم حرفيا والقفص الصدري بقا باين جداا وبقيت متاكد انها ترهلات مش دهون لما بقف مظهر بطني بيكون كويس لكن لما بعمل تمرين مثل البلانك وصورت نفسي لاحظت ان الجلد بيكون متدلي ومترهل لاسفل وكأنه منفصل عن بطني تماما!! ومع العلم عندي خيوط تمدد في المنطقة مما يؤكد أنها ترهلات بس هل طبيعي ان طبقة الجلد المترهل وانا واقف تكون متوسطة ( مش سميكه ومش رفيعه )؟؟ بس لما بعمل بلانك الجلد بيترهل لاسفل زي ما شرحت وطبقته رفيعه خالص ممكن اي حل ولو في تمارين فعاله انصحوني بيها وهل فعلا اليوجا مفيده لشد الجسم؟
اعتذر للإطالة علي حضراتكم وجزاكم الله خيرا

 

شكرا علي الرد يا كابتن، بوركت جهوك... وانا ملتزم بالدايت وبتحرك كتير جداا بس في بعض الأحيان بزهق من الرياضة... عادي لو ارتحت يوم وهل ده هياثر علي شد الجسم ( مع العلم اني هقلل اوي في الاكل في نفس اليوم )+ هل المذاكرة فعلا تحرق سعرات حرارية؟ انا بذاكر اكثر من ٦ ساعات باليوم ومحتاج اعرف هي بتحرق ولا لا واشكرك مرة ثانية