التسخين (الأحماء) المثالي قبل تمارين الحديد

https://m.facebook.com/173939211294...827.1739392112944929/1829575720593234/?type=3
دة لينك صقحتي ع الفيس - ادعمني بلايك

التسخين
=================================================
يعني اية تسخين ؟؟
يعني بعمل أستعدادات للتمرين عشان استفاد عشان متفجئش جسمك بالتمرين

طب اية بالظبط اللي المفروض بستعد ؟؟

1- مفاصلك = مينفعش تخش ترمي حمل ع مفاصللك كدة من غير استعداد - لانها في الوضع الطبيعي مش بتتحرك غير ع القد
2- مخك = يعني اية تسخن مخك؟؟
يعني تفصل عن مخك اي حاجة ملهاش دعوة بالتمرين
تفتكر ازاي بتشغل عضلاتك باحسن طريقة + احسن تكنينك لكل تمرين
3- عضلاتك = لازم نرفع درجة الحرارة بتاعتها . لية ؟؟!!
الحرارة بتشغل التفاعلات الكميائية زيادة (كمياء اولي ثانوي ) - و دة بيشغل تفاعلات الطاقة اكتر
و بيوسع الاوعية الدموية

-----------------------------------------------------------------------
طب أعمل من الاخر ؟؟

نبدأ
1 بالمفاصل
أسخن بالاسترشات ؟
لا, الاسترشات بترخي جسمك - انتا داخل تسخنة -سخن بتمارين المرونة
زي دي

في بوسط كامل ع الفرق في الصفحة

الاسترشات متلعبهاش في الاول الا ف الرياضات القتالية - أو خفيف جدا قبل الحديد لو مرونتك ضايعة
مثلا حاجات خفيفة للحوض قبل الاسكوات لو مش بتعرف تنزل لحد العمق الطبيعي بتاعك

2 العضلات
لازم عضلاتك تسخن بأي حاجة المهم تسخن
مثلا المشاية \ العجلة \ نط ع الحبل \ burpees
اهم حاجة جسمك يسخن = شوية عرق ع الوش + نفسك علي + جسمك سخن

3 أهم حاجة الدماغ
لازم تفتكر التكنيك بانك تعمل نفس التمرين او شي شبهة بوزن اقل
مثلا ضغط بطئ قبل البنش --

تاني حاجة -دية للمتقدمين - أي تمرين بيتعمل بسرعة اسمها تمارين (power/ plyometrics)
قبل التمرين بتاعها دية بتساعدك تشغل عضلاتك زيادة
مثلا مجموعة واحدة - ضغط تصقيف قيل الصدر او التراي او الكتف
اسكوات + قفزة قبل الرجل

------------------------------------------------------------------------------------
اسئلة شائعة
1- لخص الي فات ؟؟!!
خش الجيم - العب تمارين المرونة الي ف فيديو فوق + سخن جسمك بشوية كارديو + خش العضلة بتاعتك بوزن خفيف خفيف كام مجموعة وواحدة واحدة زود الوزن و خش التمرين
لو متقدم زود مجموعة -power -

2- المفروض التسخين قد اية ؟؟!!
انا مالي - اية علاقة الوقت بالموضوع
المهم تخش التمرين مستعد
لو زودت ف التسخين هتخش تعبان - لو قللت هتزود فرصة الاصابة
خليك في النص تعرفة بانك = شوية عرق ع الوش + نفسك علي + جسمك سخن

3- ينفع اسخن بعقلة و متوازي ؟؟
ينفع بس طالما سئلت السؤال دة مينفعش - لية ؟؟
احنا قولنا بنسخن بشي سهل - لو العقلة سهلة بالنسبالك معناة انك تنين مجنح و جامد يبقي مكنتش هتسئل السؤال دة
تمرين الجمباز \ السويدي متقسمة مستويات - العقلة و المتوازي عند مستوي 3 - لازم تبقي مستوي 6 عشان تسخن بيهم = عقلة او متوازي بربع وزن جسمك زيادة

4- لازم اسخن ؟؟
لو مش عندك وقت تسخن - يبقي مش عندك وقت تتمرن
الحالة الوحيد انك تتمرن بدون تسخين = بتتمرن تمارين للجيش و لازم تتعود تجري بدون تسخين أو بتلعب (GTG)
-بص ع بوسط (REP scheme 2 ) هتلاقية بالتفصيل
____________________________________________________

#د_مروان

 

معلومات ممتازة

 

موضوع رائع وشامل شكرا على المعلومات