السعرات الحرارية في الطعمية المقلية و الفول و الفول الأخضر

اخباركم يا رجاله
ممكن اعرف بعد اذنكم طبعا
100 جم من الفول الاخضر الحيراتي ،فيه كم سعر حراري ?
100 جم فول مدمس معمول في البيت علي الجريل بدووون اي زيت نهائي ?
100 جم في عجينه الطعميه معموله علي الجريل نئ في نئ هههه بتتاكل برده الحمدلله

اسف علي الاطاله اتمني حد يرد عليا

 

يعنى ايه طعميه على الجريل ؟ تتاااكل ازاى دى !!!! طعمها هيكون قررررررف

الطعميه المقليه فى زيت 100 جرام بعد القلى فيه 330 سعر تقريبا لان صعب تحد كميه امتصاصها للزيت

الفول اوزنه قبل السلق افضل ال 100 جرام فول ناشف فيها 340 سعر

الفول المدمس من غير اضافات 100 جرام منه فيهم 110 سعر

الفول الاخضر 100 جرام منه فيها 65 سعر تقريبا زيه زى البسله الخضراء

 

هههههه والله يا باشا باكلها عارف ان الطعميه كده متتاكلش اصلا ،بس هعمل ايه النصيب ،تسلم يا باشا علي اهتمامك ربنا يكرمك ..

طيب بعد اذنك ليه سعرات الجاف او الناشف اعلي بعد السلق او عموما بعد الطهي
وبكده لو حسبت قبل هيبقي شويه جدا مقارنه ب بعد الطهي الي الحجم فيه بيزيد

والعكس برده فيه حاجات وزن كبير قبل الطهي وبعدها تقل زي الفراخ مثلا
والله دوخه ياريس اعمل ايه ???

 

اولا ما تاكلش اكل طعمه مقرف لانك هتزهق وتمل بعد فتره ومش هتقدر تكمل حتى لو ارادتك حديد

مثلا بتحب الطعميه كلها مقليه عادى بس مش شرط كل يوم او لو قدرت توفر لها سعرات من احتياجاتك كلهاا يوميا عادى ودا طبقه على اى اكل بتحبه

الفكره ان البقوليات مع الارز والمكرونات بتكتسب مياه بعد الطهي فحجمها بيزيد

يعنى 100 جرام فلول ناشف = 300 جرام فول مسلوق ونفس الفكره على اى بقوليات والارز والمكرونه

فاوزن قبل الطهى وريح دماغك

العكس فى اللحوم والدجاج والاسماك بتفقد مياه بعد الطهى فحجمها بيقل

فاوزنها بعد الطهى افضل

موضوع السعرات فى بدايته رخم ومقرف وكلنا بنغلط فيه عادى انا فى البدايه كلت مره كيس مكرونه كامل 400 جرام عمل حله تقريبا كبيره

على انه 400 سعر بس وكنت مبسوط جدااا ومنتشى وقلت الدايت سهل وطبعا 400 جرام مكرونه ناشفه المفروض يكون فيهم 1400 سعر

افهم جيدا فى الاول وحاول سهل على نفسك قدر الامكااان علشان تعرف تكمل ومش تزهق

وبالتوفيق

 

تمام كده فهمت
حبيب اخوك تسلم ربنا يكرمك ،