الفوائد الصحيه لتقليل نسبه الدهون

كتير مننا مهتم بتقليل نسبه الدهون في جسمه عشان الشكل والمظهر وفورمه الساحل في الصيف و و و و
ولكن انا سؤالي ايه الفوائد الصحيه لما نسبه دهوني تقل مثلا انا 20% وعايز اوصل 14% ايه الفوائد غير ان جسمي هيكون احسن
بمعنى اخر انا مش بلعب رياضه عشان اخش بطوله او اكون فيتنس مودل
اكيد كل واحد نفسه يكون جسمه حلو ولكن عندي هدف تاني
وهو اني مثلا بنام في اليوم من 8 ل 10 ساعات
انا عايز اوصل اني انام من 5 ل7ساعات واكون مرتاح
وبالتالي عدد الساعات اللي ظهرت فجاه في حياتي اكيد هستفيد بيها بعمل نشاطات وخلق عادات جديده
وعشان اوصل للموضوع ده محتاج تغذيه جيده وتمارين بنتظام
فياريت ياكابتن محمد تعملنا بحث عن زياده كفائه الانسان ونشاطه عن طريق الاكل والرياضه
وطبعا متنساش ترد عليه في الموضوع الاول
هل كل مانسبه الدهون تقل نسبه النشاط هتزيد عندي؟

 

نسبة دهون عالية يعني وزن زايد وعبئ اكبر عالقلب وزيادة كليسترول وتري غليسيردات ضارة وزيادة ضغط وتصلب شرايين وضغط عالمفاصل والعمود الفقري وارتفاع الحجاب الحاجز والشخير بالنوم واحد اسباب الوفاة المفاجئة وكمان نقص نسبة هرمون التستستيرون الضروري لبناء العضل ...
بالمختصر : لا تجتمع السمنة والصحة