باسم يوسف وجدل صيام المياة

ناس كتير ممكن تكون تابعت الجدل اللى سببة البوست بتاع باسم يوسف واللى بيدعى فية عدم فائدة البروتين الحيوانى فى بناء العضلات وان الصيام التام عن الاكل لمدة اربع ايام لايسبب حرق من العضلات عكس المعروف
بل بالعكس 90% بيتم حرق دهون
عموما انا نقلت الموضوع ليكم هنا ومستنين رأى الناس الخبراء بكلام علمى عشان الواحد كدة احتار اكتر ومش فاهم ازاى الكلام دة ظبوط
==============================
البوست​

ده رابع يوم ليا علي صيام المياه. يعني اربع ايام من غير اكل تماما و كل ما استهلكه هو االمياه فقط. صيام المياه مش شئ جديد او موضة. ده شئ قديم قدم البشرية.... حضارات و مجتمعات و ديانات من قبل الديانات الابراهيمية اتبعت الصيام مش بس كطقوس روحية و لكن كعلاج. مؤخرا في العقود الاخيرة ابتدى النوع ده من الصيام يخضع لتجارب علمية و اكلينيكية. حاليا في مراكز للصوم في انحاء مختلفة من العالم او كجزء من مستشفيات عريقة زي المستشفى الخيري ببرلين. التجارب في المراكز دي وضحت دور الصيام في علاج الامراض المزمنة، الامراض المناعية و حتى فترة التعافي بعد العلاج من السرطان. مدد الصيام بتتراوح من اسبوعين لتلات اسابيع و بتكون تحت اشراف طبي كامل. انا جربت فترة اقل كاربع ايام كاختبار ليا .كنوع من اختبار علاقتي بالاكل. معظمنا بيقول "انه ميت من الجوع" بعد مجرد كام ساعة من عدم الاك. الحقيقة ده مش جو، دي اعراض انسحاب. اللحوم، الالبان، السكر، الزيوت كل دي ليها اثر ادمان فعلا على المخ و الواحد بيبقى محتاج يلبي طلبات ادمانه من جوعه.على مدى السنتين اللي فاتت كنت يوميا بامارس الصيام المتقطع. يعني اكل اول وجبة الساعة ١٢ الظهر و اخر وجبة الساعة ٨ بالليل. عشان احضر للاربع ايام دول ابتديت اقلل عدد ساعات الاكل ل ستة، اربعة، ساعتين ، ساعة واحدة في اليوم. جسمك بيحرق الجلوكوزو الجليكوجين في دمك و كبدك و عضلاتك لمدة ٢٤ ساعة. بعد كده المخ بيدور على مصدر تاني فيتم حرق الدهون . و لذلك ما تستغربش ان الجسم ممكن يقعد فترات طويلة بدون اكل لان الجسم فيه ما يكفي عشان يحافظ على نفسه. الابحاض اظهرت ان المددة الطويلة للصيام الجسم بستمد طاقته ٩٠٪ من الدهون و ١٠٪ فقط من البروتين في العضلات. و ده يفند الادعاءات القديمة ان الجسم بياكل عضلاته. اللي ساعدني في الموضوع ده هو نظام الغذاء اللي باتبعه اللي هو النظام الخضري او النباتي الخالي من اي منتجات حيوانية حتى الالبان و البيض. النظام النباتي الصحي ده ساعدني كتير جدا في الفترة اللي فاتت اللي عانيت فيها من اصابات متعددة و جراحتين في الركبة. النظام الخضري او النباتي ساعدني اني اتغلب على الاصابات دي. و في نفس الوقت استمريت في الرياضة و التدريب و ده يثبت انك "مش محتاة لحمة عشان تبني عضلات" . حتى في خلال الاربع ايام بتاعة صيام المية استمريت في التدريب في الجيم و رفع الاثقال و اليوجا و الجري الى جانب مهامي اليومية في البيت مع الاسرة او في شغلي. علاقاتنا بالاكل لازم تتغير. لازم نفتح مخنا لعلاقة جديدة مش مبنية على الادمان للدهون و اللحوم و الالبان. ​

انصح بمشاهدة فيلم The Science of Fasting موجود على امازون او ممكن تنزلوه تورنت​

=======================================================================
دة لينك الموضوع وياريت تقروا ردودة على الناس عشان انا مبفتش فاهم حاجة
https://www.facebook.com/bassemyous...363578956963/1985172001742784/?type=3&theater​

 

حرق الدهون يكون بدايت فقط اقولها واكررها ان لم تخلق عجز في الطاقة لن تحرق الدهون ابدا بالاضافة الى هاذا الريجيم يقلل من معدل الايض مما يؤدي الى ثبات الوزن واهدار الكتلة العضلية ...
كما قال كابتن هاذا الجسم مبني عن طريق منشطات والله اعلم
فالحل الافضل ان تتبع دايت واخفض فيه سعراتك 20 اى 40 بالمئة مع تناول كل العناصر المهمة وبالتوفيق ان شاء الله

 

اية يارجالة
هو كلكم واثقين كدة ان هو بيتعاطى المنشطات
!!!!
مع انى شايف جسمة عادى
اكدولى المعلومة عشان اكتبهالة فى الكومنتات واشوف رد فعلة اية !!!!!!!!!!!!!​

 

بعيد عن المنشطات عشان دى حاجة معنديش خبرة كافية للحكم عليها ، لكن العيش الماء للتخسيس سيجعلك تهدر كتلتك العضلية وخسارة فيتامينات ومعادن هامة فى جسمك وستحترق عضلاتك من التعليقات العجيبة الى قريتها ان طالما بتشيل حديد جسمك مش هيحرق العضل مش عارف جابوا منين الكلام دا ثم ان هتنزل تشيل اوزان ازاى بدون اكل عضلاتك هتحترق لو فرضنا انك جريندايزر وهتشيل حديد بدون اكل فعضلاتك هتحترق وجسمك هيتخلص من العضلات لانها خلايا حية بتستهلك سعرات وانت فى حالة مجاعة ثم ان لا ارى فائدة من هذه التجربة هتخسر كام كيلو دهون يعنى