تأثير النوم على حرق الدهون وبناء العضلات

السلام عليكم .. ازيكم جميعا
لوهدفك تقلل تخزين الدهون .. ليك ولأولادك ! ..
ولو عاوز متخسرش كتلة عضلية كبيرة .. انت وأولادك !..
ولو عاوز تحافظ على نسبة عالية لهرمون الذكورة وهرمون النمو .. ليك ولأولادك!
الموضوع بسيط .. اعرف عدد ساعات النوم المناسب ليكم .. حسب أعماركم !
-=-=-=-=-=-=-=-=-=-
لكن الأول .. قلة النوم إزاي هتأثر على (تخزين الدهون) ، وعلى (عضلاتك) ؟

• في دراسة قارنت بين مجموعتين ماشيين على دايت معتدل لمدة اسبوعين ..

بس مجموعة هتنام 5 ساعات ونص، والتانية هتنام 8 ساعات ونص .. وكانت النتيجة مع معدلات النوم القليلة :
▪️- (فقد الدهون) حصل ، لكن أقل بنسبة 55% .
▪️- (فقد العضلات) حصل ، لكن أكتر بنسبة 60% .

• ابسطهالك:

▪️- يعني لو المجموعتين نقصت ع الميزان 3 كيلو ..
فاللي بينام كويس هيكون نزل 3 كيلو، عبارة عن 1.4 كجم من الدهون و1.5 كجم من الكتلة العضلية .
أما اللي مبينامش كويس نزل نفس التلاتة كيلو، لكن0.4 كجم بس من الدهون و2.4 كجم من الكتلة العضلية (1).
▪️- ومع الوقت الخسارة العضلية دي بتقلل تاني الحرق .. فلو خسرت 10 كجم من عضلاتك فـ (الـسعرات اللي بيحرقها جسمك فترة الراحة Resting Metabolic Rate ) هتقل بمعدل 100 سعر في اليوم، وده مع الوقت هيحرمك تخسر 5 كجم من الدهون في السنة ، كنت تقدر تخسرهم بدون مجهود لو بس نمت كويس (2).
-=-=-=-=-=-=-=-=-=-
طب اشطة الدراسة وصفت اللي حصل .. لكن ايه السبب ان ده يحصل اصلا ؟؟

هنا تيجي ميعاد الحدوته بتاعتنا :

• تخيل معايا المخ عبارة عن معلم .. والهرمونات صبيانه ..

لما متنامش تبدأ موازين القوى تتلخبط بينهم .. والهرمونات تسيطر ع المعلم بتاعها بمعلومات غلط ..
▪️- الصبي اللي اسمه (هرمون الجوع Ghrelin ) بيزيد، ويقول لمخك وهو متخن في صوته: يا معلم الراجل بتاعنا جعان مكرونة وبانيه م اللي بيشر زيت ده.. ولإن المعلم مش فايق بتكون النتيجة زيادة في (هرمون الجوع Ghrelin ) بينتج عنها زيادة في مدخول السعرات اللي ف النهاية زودت نسبة تخزين الدهون في الخلية (والدراسة دي اثبتت ده رغم إنها على حيوانات) (3).
▪️- وكذلك الصبي اللي اسمه (هرمون الكورتيزول) بيزيد، ويقول لمخك وهو متخن في صوته : احنا نهدم لنا شوية عضلات عشان نجيب منهم جلوكوز ينفعك يا معلم واحنا عارفينك يا معلم مخ بتموت فى الجلوكوز .. فيبدأ الكبد ينتج جلوكوز من تكسيرالنسيج العضلي .. بدل ما يحرق الدهون.. وده بيفسر ليه كمان الكتلة العضلية بتقل عند اللي بينام أقل م الطبيعي (4).

• وفي وسط الليلة دي في هرمونات كانت بتقلل احتياجك للسعرات وبتحافظ على عضلاتك.. بتقل هي كمان ، زي:

▪️- ( هرمون الشبع Leptin ) بيقل .. وبالتالي هنحس بالجوع فتاكل أكتر .
▪️- (هرمون النمو GH) .. بيقل .. وده كان دوره يحافظ على نمو خلايا عضلاتك ..
▪️- (هرمون التستوستيرون) .. بيقل .. وده كان دوره يحافظ على عضلاتك .. فبالتالي عضلاتك فستك.
وكنتيجة لنهاية الحدوته بتاعتنا .. انك بتوصل لحالة غريبة من النهم والفجع عشان تقدر تواصل عكس طبيعة جسمك (5,6).

• ومع الوقت يبدأ يزيد الاكتئاب سواء من قلة عدد ساعات النوم أو قلة جودة النوم (زي الأرق او تقطع التنفس اثناء النوم) (8,7)

فيبقى النوم بيأثر على الوزن والوزن هو كمان بيأثر على النوم ، ودي مشكلة للناس اللي دهونهم لما جسمهم بيخزن دهون بتترسب في الجزء العلوي من الجهاز التنفسي وبتضغط وبتضيق مجرى الهواء .. فبيحصلهم كتير (انقطاع في التنفس اثناء النوم Sleep Apnea ).. فيدخل فى دايرة مفرغة لا هو عارف ينام عشان هرموناته تتعدل ويخس .. ولا هو عارف يخس عشان يعرف ينام (9).

• وكنتيجة اجمالية لزيادة نهمك وجوعك ..

المخ من كتر ما هو مسطول بيزيد فيه نشاط الأجزاء المسئولة عن المكافآت .. ولسان حالة : عطيله سعادة .. تدري ليش ؟ لأنه دخلي مكرونة وبانيه .. ودي مصيبة لإن المخ متبرمج يكرر اللي بيبسطه.. فكل ما تاكل الأكل (أبو وظاويظ حرارية) مخك يحاول يحافظ على مستوى السعادة اللي بيوصله بإنك تروح لنوع الأكل اللي سعراته أكتر ! (11,10)
-=-=-=-=-=-=-=-=-=-
طب قلة النوم ممكن تأثر على إيه تاني ؟

• - (التعب في التمرين) هيزيد:

قلة النوم بتسبب التعب بدري اكتر اثناء التمرين وبتسبب الاجهاد العضلي (12)..
وعلى المدى القصير(في الدراسة دي يومين بس) قلة النوم قللت النشاط الرياضي (13).

• - (المناعة) هتقل:

النوم هو (استعادة وضع المصنع) زي اللي في الموبايل .. احيانا تنام وفي حبوب في وشك تصحى تلاقيها اقل ! أو تحس انك داخل على دور برد ، تنام تصحى كويس ! ولو منمتش دور البرد بتاخده فعلا .. والسبب إن مناعتك وفرصة مقاومة أي أجسام غريبة زي الفيروسات والبكتيريا .. بتزيد لو نمت كويس ! .. ولو جالك دور برد فعلا متقلش عن 8 ساعات والتحسن هيكون أسرع (15,14).

• - (مقاومة الخلايا للانسولين) هتزيد:

وده ممكن يحصل خلال ايام من عدم النوم بشكل كافي ! (دراسة بتقول 11 واحد ناموا 4 ساعات لمدة 6 ايام قدرة اجسامهم على تقليل نسبة الجلوكوز في الدم قلت بنسبة 40%) ولما زودوا عدد ساعات النوم، أعراض السكر قلت تاني، وبالتالي تكرار قلة النوم بيزود القابلية للاصابة بمرض السكر من النوع الثاني (16).
وللناس اللي عاوزة تفهم اكتر الانسولين ومرض السكر من النوع التاني تقرأ البوست ده :
https://goo.gl/Fx4Lgz

• - (ضغط الدم وأمراض القلب) هتزيد:

لو نمنا اقل من 5 ساعات واتكرر الموضوع ده فترة طويلة هيزود القابلية لارتفاع ضغط الدم، والنوم اقل من 7-8 ساعات في اليوم ممكن يسبب أمراض القلب (17).

• - (اجهاد المخ) هيزيد:

وبالتالي هيأثر على التركيز والإدراك والاستيعاب وتعلم حاجات جديدة وعلى الذاكرة سواء قصيرة المدى أو طويلة المدى (18).
-=-=-=-=-=-=-=-=-=-
ننام كام ساعة عشان منعرضش جسمنا لكل المشاكل اللي ذكرناها ؟
من (0-3 شهور):14-17 ساعة
(4-11 شهور):12-15 ساعة
(1-2 سنة):11-14 ساعة
(3-5 سنين):10-13 ساعة
(6-13 سنة):9-11 ساعة
(14-17 سنة):8-10 ساعات
(18-64 سنة):7-9 ساعات
(65 فأكثر):7-8 ساعات
المصدر .. (19)



وفي اسباب ممكن تخلينا ننام أكتر من احتياجنا بتوصل من 10-12 ساعة .. زي مشاكل في الغدة الدرقية، مشاكل في القلب، توقف التنفس اثناء النوم، الاكتئاب، النوم القهري، أدوية مكوناتها بتزود النوم زي بعض ادوية الحساسية (المضادة للهيستامين) !
-=-=-=-=-=-=-=-=-=-
المصادر : بالتعليقات هنا ..
https://www.facebook.com/YallaTransform/posts/1856504371102439

حافظ على صحتك وصحة أولادك

YallaTransform
Ahmed Adel

 

مقالة رائعة..
ولكن كشب عربي لا اكدر انام من 7 ساعات....(الوضع سيء) ومجبر ان انام اقل من 8 ساعات

 

لماذا؟

 

اعمل من الساعة 6:30 صباحا !!..
اذا نمت ع 11 مساء يعني 7 ساعات تقريبا...
واحيانا انام ع 12..

 

الله يعينك

 

السلام عليكم ورحمة الله،،،،،،،،،،
لاتنام 8 ساعات وانما سويعات قليلة حتى 4 ساعات ثم قم وعاود لمدة ثانية
............8 ساعات أكذوبة وللاسف مازال هناك من يصدقها
------------
التوضيح الشرعي:
لم يثبت عن رسول الله صلى الله عليه وسلم ولا صحابته عليهم رضوان الله انهم كانوا ينامون 8ساعات أو مايقرب منها
وكانت صحتهم زي الحديد وكانوا يسافرون مسافات ويفعلون أشياء لايستطيعها كثيرا من الأصحاء
أعوذ بالله من الشيطان الرجيم"""إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِن ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِّنَ الَّذِينَ مَعَكَ....."""
جميل "طب" والدراسات ,,,,,,,,, ضعها في الجزء المظلم من أرشيف التاريخ
فالدين دائما يسبق أي علم في نفس الموضوع

واجب المسلم انه عندما يختلف العلم مع الدين أن يصبر حتى ينضج العلم - وعندما ينضج سيصل العلم الى ماأخبر به الدين
.
----------------------
أدرى ان هناك أخوة لايطيقون وتضيق صدورهم بالشرع والدين فلا ضير......فأرجو الا يقرأوا ماسبق وإنما يبدأ من الجزء التالي
------------------------
ّّّّ>>>>>> توضيح الدراسات والعلوم
رغم وجود كل هذه الدراسات في المداخلة الاولى
دعونا نشوف الاتي
https://www.ncbi.nlm.nih.gov/pmc/articles/PMC3010336/
الدراسة دي تمت على 460 مشارك مباشر ولمدة 5سنين وحللت بيانات 100000 واستمرت حوالين ال15سنة - يعني أقوى من كل ماسبق

الخلاصة - أضغط على العنوان التالي وشوف المنحني الاسود

https://www.ncbi.nlm.nih.gov/core/lw/2.0/html/tileshop_pmc/tileshop_pmc_inline.html?title=Click on image to zoom&p=PMC3&id=3010336_nihms231870f2.jpg








من 300(5ساعة) ل 390(6.5ساعة) دقيقة نوم هو أفضل صحة - حاسبينها بالدقيقة

الدكتور Roger Ekirch ده قضى 16سنة في ابحاث النوم - له رأي أجمل:
http://www.history.vt.edu/Ekirch/sleepcommentary.html
النوم على فتريتين اكثر طبيعية وأصح من النوم المتواصل
وكذلك النوم فترين هو طريقة النوم التاريخية قبل الفساد التكنولوجي

شوية مقالات للاطلاع
http://www.dailymail.co.uk/health/a...it-body-clocks-better-increase-alertness.html
https://blog.bulletproof.com/sleep-...ng-5-hours-is-healther-than-sleeping-8-hours/
https://www.everydayhealth.com/sleep/what-is-segmented-sleep-and-is-it-healthy.aspx

على فكرة النوم على فترتين بيسموه Segmented Sleep
===========================
الخلاصة
النوم على فترتين نوم عميق مامجموعه 6.5 أفضل من جميع النواحي الصحية والبدنية
علما ان دورة النوم من 90 ل 120 دقيقة (تختلف من شخص لاخر) والافضل مطلقا ضبط ساعات النوم والصحيان مع دورة نومك

================
يارب ماتكونوش نمتوا مني

 

وعليكم السلام ورحمة الله وبركاته
الصراحة انت تعجبني مقالاتك لك هل انت طبقتها(طريقة النوم)؟اما عن الرسول(ص) فهو يقوم الليل خوفا من الله هل تقوم بها؟وشكرا جدا لك واتمنى ان لاتنزعج من هذا الكلام وعلى حد درايتي ان المسلم يقوم الليل وصلاة الفجر يعني فترات متقاطعة بالليل ينام صح؟
والله اعلم

 

- الدراسة (الموصوفه بإنها أقوى مما سبق) أقدم منهم .. ولم توضح ساعات النوم الأفضل لكل عمر من الأعمار ! بل وليس فى موضوعها شمولية لكل جوانب الدراسات الأخرى.. وهذا لا يتعارض مع كونها جيده ، ولكن لا يضعها فى ندية مع الدراسات بالموضوع الأصلي .
- كذلك بالنسبة للـ Segmented Sleep فهو لا يتعارض مع الموضوع المكتوب .. فالـ Segmented Sleep طريقة نوم أما الموضوع الأصلي بتحدث عن الاحتياج الفعلي من النوم أصلا.
- وكمثال معروف أن الأكل النباتي يساهم في تقليل خطر الوفاة .. وأنه أفضل صحيا رغم تأثيره السلبي على جوانب صحية عديدة فى نفس الوقت (تخيل)..
وكذلك الحال الدراسة وإن بينت العلاقة بين النوم الأقل وتقليل خطر الوفاة فهذا بالضرورة لا يعني أنه أفضل مطلقا للصحة .. ولهذا أقول الدراسات تكمل بعضها البعض دون تعارض.

- أما ربط الموضوع بالجانب الديني فله أبعاد أخرى ..
أولا إن عدد ساعات الليل والذي هو الفرق بين العشا والفجر (شيء متغير بتغير المكان ع سطح الكوكب وبتغير فصول السنة ، هناك أماكن الليل كله فيها 4 ساعات وأماكن تانية 17 ساعة) ..لذلك النوم لـ 6.5 الساعة سيظل محصور في أماكن محدده وسيكون أكثر بكثير أو أقل بكثير فى أماكن أخرى ..
ثانيا : أنت تتحدث عن الموضوع وكأن النوم لـ 6.5 ساعة شيء ألزمنا به الشرع ونحن نخالفه (هل ألزمنا الشرع بقيام الليل وجعله فرضا ؟) .. النوم يا عزيزي من الأمور الدنياوية .. وقد ورد حديث له صلى الله عليه وسلم حين مر بقوم يلقحون النخل فقال: لو لم تفعلوا لصلح، قال: فخرج شيصا " تمرا رديئا" فمر بهم فقال: ما لنخلكم؟ قالوا: قلت كذا وكذا.. قال: أنتم أعلم بأمور دنياكم. (وتخريج الحديث صحيح).
فإن كان الرسول ينام بشكل متقطع .. وينام لوسيعات .. فهو يفعل ذلك من باب التعبد لا من باب الحفاظ على الصحة التي تريد إقحامها بالموضوع ..
بل إن المتسق أكثر مع فكرة الدين هي فكرة التضحية .. لا فكرة الاستفادة !
يعني انت تثبت استسلامك لله عندما تتنازل عن الفائدة بغية رضاه ..
(فعندما تقوم الليل وتتنازل عن قليل من النوم) فأنت بذلك تضحى بقليل من الصحة فى سبيل الله !
(وعندما تجاهد في سبيل الله ) فأنت بذلك تضحى ليس بجزء من صحتك بل بنفسك كلها في سبيل الله! .. بل وأولادك وأموالك !
(وعندما تخرج أموالك للصدقات) فالأمر لا يعود عليك بنفع .. بل أنت الذي يضحي بمالك فى سبيل الله !
فلما كان الدين اختبار لك على خضوعك .. فلا تقوم بلي الأمور لتثبت أن الدين لا يتعارض مع العلم (فليس بينهم تعارض على الأقل في هذا الموضوع) بل ضع كل شيء فى مكانه تنضبط لك الحياة.
ولو كان النوم لسويعات قليلة الغرض منه الفائدة الصحية .. فلماذا ليس واجبا ؟ لماذا شأنه شأن الصدقات فمن تنازل عما ينفعه لله نال ثوابها ومن لم يضحي لم يأثم ؟

الموضوع ليس به ما يتعارض او يصطدم بالدين .. حتى نلهث على مقال يثبت إن الدين أُنزل علاج لكل داء ! أين الاختبار والامتحان إن كان الموضوع كذلك ؟
وأرجوك الموضوع ليس موضوع شرعي لنتطرق إلى كل تلك المناقشات والجدل !
وقد أوضحت وجهة نظرك وأوضحت من بعد ما يخصني كذلك .. ولا حاجة للمزيد .

 

جميل سؤالك وجميل الكلام معك - بارك لك وعليك وهداك وهدانا لما يحبه ويرضاه
رغم انني لست القدوة فهناك من هم أفضل مني - نعم أطبقها كلما تمكنت من ذلك - وهذه الطريقة لها الفضل على تحسن صحتي ومزاجي
رجاء صغيوووور..........ارجو ان تتم كتابة الصلاة على رسول الانام صلى الله عليه وسلم
دائما كان صلى الله عليه وسلم يقول أرحنا بها يابلال - أي ان الصلاة تريح من تعب وتشفي من مرض وليست تضحية انما مكسب كامل تام إذا أديتها
عبادة الله خوف ورجاء والرسول صلى الله عليه وسلم أعبدنا لله .......... لاخوف فقط ولا رجاء فقط
نعم يقوم المسلم ليلا لصلاة القيام إذإ لم يصلي قبل النوم ,,,,,, ويقوم للفجر فالصلاة خير من النوم
أسأل ماشئت كيف شئت اينما شئت........ السؤال اول طريق العلم........... والحكمة ضالة المؤمن.......... وسيسعدني من كل قلبي ان أجد لك الإيجابة الصحية
أسأل الله ان يتقبل منا جميعا صالح الأعمال

 

لابد وانت تقول لي ذلك أن أشكر وبإمتنان صاحب المنتدى على سعة صدره فلم يقولها يوما لمتكلم ويرد على كل الاسئلة في حين أن المدهش ان بعض الاخوة لايجدوا غضاضة في إظهار ضيق الصدر .......... تاني وتالت ورابع جزاك الله خيرا كابتنا محمد بحبوح الصدر

الهدف الأصلي من أي منتدى هو تبادل الأراء والمصادر وزيادة العلم ومحاربةالخرافات
حقيقة الأمر الكلام المرسل هو ماأضطرني للتوضيح- نقول وبالله التوفيق

لاأظن ان هناك من يأتي هنا ليعرف المولود ذو الشهور كم ينام - وأقول مازحا ... دراساتك نسيت الجنين كم ينام!!!!

النوم على فترتين أصح من النوم المتواصل الذي تذكره في مداخلتك - النوم المتواصل مرض ويمرض حتى لو كان 8ساعات والدليل في مداخلتي

<....< الليل يبدأ من المغرب وليس العشاء أرجو الانتباه
الأماكن الشاذة في التوقيت ليست مجال حديثنا مطلقا - لها وضع خاص لايتسع المجال هنا له

مطلقا لم يحدث ان قلت ان الشرع يلزمنا ب 6.5 أو القيام وإنما صلاة الفجر - البينة على من إدعى

النوم ليس من أمور الدنيا التي نحن أعلم بها- حديث النخلة المذكور غير منطبق مطلقا - النوم معجزة وسيظل الى يوم الدين -كل مانعرفه عن النوم قليل- تذكر إن شئت_ الصلاة خير من النوم
دعني أزيد قليلا - الدين يوضح لك كيف تدخل الحمام- كيف تنام - ماذا تأكل وتشرب وكيف والجماع ووووو,,,,,,, كل ماله علاقة مباشرة بحياة الانسان الشخصية والذي هو أفضل ماسيصل إليه العلم الدنيوي

أرحنا بها يابلال - عليه الصلاة والسلام - لاحول ولا قوة الا بالله
العبادات الشخصية صحة وليست ولم ولن تكون تضحية ...... إلا الجهاد
الصلاة والصوم والزكاة - صحة وتنقية وتزكية وليست تضحية
يعني الصلاة ليلا ...صحة وعبادة.... وأكرر صحـــــــــــــــــــــــــــــــة وعبادة وليست تضحية
إذا لم تشعر بصحة بعد صلاتك وصيامك فالخطأ في طريقة تنفيذهم وليس لأنهم تضحية

موضوع ال8ساعات أصلا معمول حتى يصدم بالصلاة والعبادة
أصلا جدودهم كانوا يناموا 4و4 وكانوا في غاية الصحة والنشاط وبنوا حضارتم على ذلك
الغريب انه رغم إثبات ضرره الصحي بعد ضرره الشرعي مازال منا من يدعوا له

رجاء شخصي إقرأ عن تاريخ موضوع ال8ساعات لعلك تجد مايجعلك تعيد التفكير
وسيسعدني في كل الأحوال تبادل الأراء والمصادر لإثراء الحوار وأفضل النتائج

الله من وراء القصد وهو الهادي
واخر دعواهم ان الحمد لله رب العالمين

 

فعلا وبمثل هذا التعليق حصل لنا زيادة للعلم وحاربنا الخرافات ! من أراد العلم لا ينحرف مستخدما تلك الأساليب يا عزيزي .

والأكل النباتي يزيد العمر والدراسات تثبت ذلك .. (أوعى تضحي في عيد الأضحى بقى).

لأ وسعلها المجال عشان نتعلم (عشان المنتدى لتبادل الأراء والمصادر وزيادة العلم ومحاربة الخرافات )
و(الليل اللي بتنامه) بيبدأ من بعد العشاء .. كحساب لعدد ساعات النوم .. ولا الرسول كان بينام من المغرب !

ما هو ده قصدي .. لا انت قولت الشرع بيقول أفضل ولا الشرع قال فعلا .. يبقى منخليهوش أفضل بالعافية ونحشره وكلإنه منزل من السماء .. الدين خيرك بين انك تصحى وتعمل عبادة أو لأ يبقى منجيش نمسك فى خيار ونسيب خيار.. يعني من العشا للفجر 8 ساعات .. أنا هنامهم كاملين .. هل الدين بيقولي إنه خطر ؟! أو بيقولي لأ متعملوش؟
اممممم مبيقولش؟ .. طب خلاص معصب نفسك ليه ؟

نعم ! هو لما الدين يعلمك أداب دخول الحمام أو أداب الطعام أو أداب الجماع .. أو حتى ينصحك بأكل بكميات ما .. ده معناه انها حاجة من الدين مش من الدنيا ؟
ولا معناه انها امر دنيوي مضبوط بضوابط الدين ؟ .. طب هل النوم له ضوابط فى الدين ؟ ولا هي نصوص بتتكلم عن عبادات انت مخير تماما تعملها أو لأ وقت النوم !
يبقى متساويش أداب الطعام والجماع والحمام.. مع النوم اللي اتفقنا فوق ان الدين حتى لما قلك تتعبد وقت النوم سابلك الاختيار فيه ! .. ولا هو الدين هيسيبلك خيارين حلال فيهم واحد خطر عليك ؟ سؤال يطرح بلح !

والله أنا كمسلم لا يهمني إن تحصلت على فوائد صحية منها أو لا .. لأني على يقين أني بعبد ربنا لكي يرضى .. مش عشان أنا اللي أستفاد .. ودي خلاصة الموضوع.
العبــــــــــــــــــــــــــــــــــــادات لو بتعملها عشان صحـــــــــــــــــــــــــــــــــــــــــــــــــــــــة أو غرض دنيوي .. راجع نفسك .

اهي الجملة دي لوحدها حلوة أوي .. فين البينة ؟ هات ما يثبت .. ولما نقول إثبات يبقى إثبات حقيقي مش جدل للجدل .
عاوز دليل كده تسجيل لهم مثلا وهما قاعدين يتفقوا وبيقولوا احنا بنضرب البحث ده بالذات عشان يصطدم بالصلاة والعبادة ؟
شكرا

 

الغريب والمستغرب انك ترد رغم طلبك عدم الرد - فلابأس

ردي على كل كلامك في نقطتان:
أولا- إذا إحتاجت الشمس لدليل فالاولى عدم الاسترسال - اللهم إجعلنا ممن يستمعون القول فيتبعون أحسنه

ثانيا- أود أن أعيد توضيح رسالتي لكل الأخوة القراء- بشديد التركيز
النوم 8ساعات خرافة - مثل كل خرافات الصحة والجيم التي يحاربها المنتدى
يوجد دليلان - شرعي وبحثي(دراسات) - في مداخلتي الأولى
النوم الصحي الكافي من 300ل390 دقيقة ثم وتقسيم النوم أصح من النوم المتواصل

وأخر دعونا ان الحمد لله رب العالمين

 

ههههههههههههههههههههه