تقييم شركات الهرمونات

السلام عليكم ورحمة الله وبركاته.​

الموضوع دة انا عامله عشان نعمل تقييم لشركات الهرمونات بالذات اللى بتنزل الوطن العربى والتقييم دة هيكون مبنى على اساس الاستخدام الشخصى -بمعنى انك لو حضرت بهرمون من شركة معينة وخلصت السايكل وعايز تقول رأيك بالسلب او بالإيجاب هتقوله فى الموضوع دة عشان غيرك يستفيد- وطبعا عشان لو فيه شركة سيئة او لو ليك تجربة سيئة مع شركة معينة تحذرنا منها عشان الكل يبعد عنها.​

التقييم هيكون كالتالى:
1- هتقول اسم الشركة.
2- اسماء الهرمونات اللى حضرت بيها وتركيزها.
3- فترة السايكل.
4- المميزات والعيوب.

الموضوع دة انا شايفه هيكون مهم جدا جدا عشان فيه شركات محدش يعرفلها اصل ولا فصل بتنزل كل يوم وللاسف فيه مدربين معندهمش ضمير بيسوقوا ليها باستمرار. اتمنى ان الموضوع دة يتثبت ويبقا عليه تفاعل بشكل كبير.
وشكرا.

 

هبدأ انا
1- اسم الشركة: نوفاكتور . تابعة لشركة تايجر على ما اظن.
2- اسم المنتج: كلينوفا 40 وهو اسم تجارى للكلنبترول.
3- لسة مستخدمه من يومين والجرعة 40 ملجرام فى اليوم قبل التمرين بساعتين.
4- المميزات: هو انا باخده بهدف الحفاظ على الكتلة العضلية بس هو بيدى طاقة فى التمرين كويسة ، مفعوله شبيه بمفعول الافدرين كلوروهيدريت 30مليجرام.
العيوب: مش بنفس قوة الافدرين، على ما اظن دة بسبب ان الجرعة لازم تكون 80 او 100 ملجرام فى اليوم عشان يدى نفس مفعول الافدرين. انا اخدت 40 فى اول يومين عشان اختبر مفعول الاثار الجانبية قبل زيادة الجرعة بعد كدة.