عدد السعرات الي محتاج احرقها للتخسيس مع بناء عضلات بدون هدم للجسم ؟

لو سمحتم يا كباتن انا محتاج اعرف انا محتاج احرق سعرات اد ايه في اليوم مع التمرين عشان ما اهدش جسمي واخسر عضل

انا طولي 171 ووزني 75 ونسبه دهوني 23 % والهدف تخسيس مع بناء عضل

علي الحاسبه بتاعت الموقع هنا انا محتاج سعرات 2434 سعره ولكن في موقع تاني لقيتها 3379 سعره
السؤال الاول : اي منهم اصح .؟ لان الفرق بينهم كبير
السؤال الثاني الي نفسي افهمه : الاله بتاعت الموقع بتقولي اني محتاج 2434 سعر بمعدل 6 ايام تمرين وانا حاطط هدف تخسيس في الاسبوع 1 كجم هل السعرات دي شامله النشاط اليومي بخلاف الاكل والتمرين بمعني اني مثلا هقلل 500 في الاكل و500 هحرقهم في التمرين يبقي انا لو قللت اكتر من كده هبقي بهد جسمي لان باقي اليوم اكيد مع الشغل والمشي وخلافه هيبقي في حرق لسعرات تاني يبقي انا بنزل عن المعدل الطبيعي الي هو 1000 ولا اقلل 500 فقط في الاكل وكده كده الاله محطوط في اعتبار حسابها السعرات المحروقه في باقي نشاط اليوم مع التمرين ؟

ياريت حد يفهمني النقطه دي لاني بجد مش فاهمها

وعندي سؤال اخير انا بقالي حوالي 4 ايام في التمرين كتفي الشمال حاسس فيه بألم اول ما باجي العب التمرين والألم ده ناتج عن ان كتفي مجهد ومحتاج ارتاح شويه ولا ده طبيعي لاني بقالي فتره كبيره ماكنتش بلعب ؟

 

يا جماعه حد يرد عليه ده تاني موضوع اعمله وماحدش يرد هو الاسئله دي صعبه اوي كده ؟

 

علي الحاسبه بتاعت الموقع هنا انا محتاج سعرات 2434 سعره ولكن في موقع تاني لقيتها 3379 سعره
السؤال الاول : اي منهم اصح .؟ لان الفرق بينهم كبير
السؤال الثاني الي نفسي افهمه : الاله بتاعت الموقع بتقولي اني محتاج 2434 سعر بمعدل 6 ايام تمرين وانا حاطط هدف تخسيس في الاسبوع 1 كجم هل السعرات دي شامله النشاط اليومي بخلاف الاكل والتمرين بمعني اني مثلا هقلل 500 في الاكل و500 هحرقهم في التمرين يبقي انا لو قللت اكتر من كده هبقي بهد جسمي لان باقي اليوم اكيد مع الشغل والمشي وخلافه هيبقي في حرق لسعرات تاني يبقي انا بنزل عن المعدل الطبيعي الي هو 1000 ولا اقلل 500 فقط في الاكل وكده كده الاله محطوط في اعتبار حسابها السعرات المحروقه في باقي نشاط اليوم مع التمرين ؟
المفروض وانت بتحسب احتياجاتك بتدخل عدد ايام التمرين وبعدين تاخد عدد السعرات من الاحتياجات اليومية وتعمل عنه عجز 500 سعر علشان تخفض الوزن عدد الاحتياجات اليومية دى بتكون شاملة احتياجاتك ف التمرين والنشاط اليومى والايض الاساسي اى العمليات الحيوية للجسم وكل دا رايي الشخصى والكابتن محمد قاعود ليه الرد المفيد على استفسارك

 

علشان تحسب احتياجاتك اليومية لازم تدخل البيانات الخاصة بيك وكمان عدد ايام التمرين وبتكون الاحتياجات اليومية شاملة للتمرين ونشاطك اليومى زى الشغل وكمان عمليات الايض الاساسى اى عمليات الهضم وغيرو من عمليات الجسم الحيوية بتاخد الرقم بتاع الاحتياجات اليومية من السعرات وتنقص منه 500 سعر علشان تخفض الوزن
ولازم تحسب فى نظامك الغذائى بروتين عدد جرامات = وزن الكتلة اللادهنية * 2و2 وعدد جرامات الدهون = وزن الكتلة اللادهنية مضروب فى 75و .
دا رايي والرد الاحسن عند كابتن محمد قاعود بالتوفيق

 

معني كده ان الاله الحاسبه الي هنا في الموقع محطوط فيها كل الاعتبارات دي الي هيه الايض الاساسي والاكل الازم والتمرين والنشاط اليومي انا بقي لو حبيت اقلل ال 1000 سعر يبقي بعد ال 1000 سعر كده كده انا اكتفيت من باقي سعراتي عشان ام اهدش جسمي ولا كده كده الاكل الي انا باكله علي مدار اليوم في جز منه هو كمان بيتحرق اثناء التمرين فانا كده بنزل عن مستوي ال 1000 سعر وبهد جسمي؟

 

تمام يعني المفروض مثلا لو عاوز انزل 1000 سعر يبقي اخصم 500 من التوتال للسعرات كتظبيط لموضوع الاكل و500 ثاني احرقهم في التمرين ويكون باقي التوتال هو ده الي مش هيتحرق عشان جسمي ما يتهدش واخسر عضل ولا اخصم من التوتال العام 500 بس وكده كده الي باكله في اليوم العادي بحرقه في التمرين فيكون ال 1000 سعر الي عاوز احرقهم اكتملوا من غير ما اضر نفسي ؟

 

البياانات يا كابتن كالتالي
السن 26 سنه
الوزن 75 كجم
الطول 171 سم
نسبه دهون 23 %
مستوي النشاط 6 ايام اسبوعيا
واختارت معادله ماكرديل
البيانات التي وضعت علي الحاسبه الاخري كانت نفس البيانات ولكن كان مستوي النشاط معايير اختياره ليست كما هي الحال في الاله هنا
انا عايز اعرف يا كابتن لو عاوز اخس 1 كجم في الاسبوع يبقي محتاج اقلل 1000 سعر حراري هل بقي ال 1000 سعر دول اخصم 500 من التوتال للسعرات و500 احرقهم في التمرين ؟ ولا انا لو عملت كده هتبقي في سعرات تاني جسمي هينزلها في انشطه تانيه فانا كده بهد جسمي ؟ ولا انا اكل عادي واخفض بس 500 بس في السعرات واحرق الي اكلته في التمرين ؟

 

على حاسبة الاحتياجات اليومية من الطاقة انت تحتاج الى 2434 سعر يوميا لكن اذا تريد ان تخفض وزنك يجب ان تعمل عجز فى هذه السعرات 500 لكى يكون الفقد فى الوزن من الدهون وليس من العضلات ودا شامل السعرات اللى بتحرقها ف التمرين والشغل وغيرو مينفعش تعمل عجز كبير ف السعرات 1000 زى ما بتقول كدا هتخسر من عضلاتك يكفى 500 او 600 سعر عجز والفقد ف الوزن بيكون من الدهون وغالبا بيكون مع الالتزام بالدايت وزنك بينزل كيلو و 200 جرام ف الاسبوع دا رايي انتظر رد كابتن محمد قاعود على سؤالك بالتوفيق ان شاء الله

 

تمام يا كابتن محمود يعني اظبط نفسي علي نظام ال 1600 سعر ولا ال 2434 سعر ؟! ولو هخسس زي ما حضرتك بتقول انزل ب 500 سعر فقط متقسمه علي الاكل والتمرين يعني انزل كام سعر من الاكل واحرق كام سعر في التمرين بدون ما اخسر عضل ؟ ولا اعمل ايه بالظبط وللعلم انا معظم الدهون عندي بترتكز في الكرش فقط ؟ منتظر اجابتك يا كوتش

 

الله ينور عليك يا كابتن محمود وشكرا لتعبك معايا فاضل بس استفسارين صغيرين اوي
1- اتمرن كام يوم في الاسبوع عشان يبقي كويس مع نظام 1600 سعر مع العلم اني بخلي تمرين الحديد في يوم والسويدي في يوم
2- عضله كتفي بقالها كام يوم تعباني جدا وسمعت في الجزء العلوي من ضهري دهنت فولتارين ارتاحت شويه هل ده ارهاق من التمرين ولازم اريح كام يوم ولا اروح اكشف ؟

 

كابتن محمد هو فعلا الحاسبة في الموقع عامله حساب العمل اليومي وارهاق المشي وخلافه ولا التمرين فقط
وخصوصا انا مثلا طبيعة عملي بتخليني امشي كتير واطلع سلالم لأني مش بحب انتظار الأسانسير وخصوصا ف المصالح الحكومية