كيفيه ضبط السعرات

سلام عليكم.. كنت عاوز اعرف بس هو انا المفروض اضبط الاكل ازاى ... انا معظم الايام السعرات مش بتعدى الحد اللي حاطه بس الكربوهيدرات بتزيد جدا عن المحدد

 

ارحو الرد

 

كيف تزيد عن الحد يا زيدان
هل. تتماول سعرات اكثر مما تحتاج؟

 

... لا السعرات مش بتزيد عن الحد لكن كميه الكاربوهيدرات بتزيد ..انظر الصوره المرفقه

 

؟

 

بتاكل البروتين الكافى ليك يوميا وبتقسم الدهون الصحية صح
بروتين 2 الى 2.5 جرام لكل كجم LBM
دهون 0.75 جرام لكل كجم LBM
بقية السعرات من الكاربوهيدرات
الياف 15 جرام لكل 1000 سعر
ال LBM هو وزن جسمك بدون دهون .

طالما بتحقق الماكروز دى مع الإلتزام بالسعرات فأنت ماشى مظبوط - اهم شئ تحافظ على البروتين وكلما كان الدايت بتاعك منخفض جدا فى السعرات او قاسى كل ما كان احتياجك لزيادة البروتين على حساب الكارب أعلى للحفاظ على العضلات من الإهدار او تقليل الهدر العضلى ولكن لا انصحك ولا احد ينصح بدايت قاسى

 

مش دايت

.. مش دايت قاسي انا باكل اللي عايزة بس بظبط السعرات .. الفكره ان الكارب بيبقي كتير اوى .. معلش يعنى ايه باقي السعرات من الكاربوهيدرات؟

 

يعنى بتحسب على الحسبة الى بعتهالك جرامات البروتين والى يطلع تضربه فى 4
وتحسب جرامات الدهون على الحسبه والى يطلع اضربه فى 9
واجمع المجموعين واخصمهم من سعراتك اليومية الناتج الى يطلع هى دى سعراتك من الكارب اقسمها على 4 يطلعلك كام جرام كارب

 

اه فهمت تمام متشكر جدا ... طب معلش هو انا كنت نزلت من ١٠٠ ل ٨٨ ووزنى تقريبا وقف ع كده ... هل كده كنت محتاج اقلل من السعرات اكتر ولا ايه ؟ مع العلم انى لما بطلت طلعت ل ٩٧ تانى

 

اعمل اعادة حساب سعرات تانى لان كل ما وزنك قل كل ما سعراتك قلت طبعا لابد تحسب سعراتك كل فترة

 

طب بالنسبه للزياده السريعه اللي زيدتها دى ؟

 

انت قولت بطلت هو دا المفتاح عشان بطلت - المفروض متوقفش الدايت لفترة طويلة ولما تزهق منه ممكن تاخد دايت بريك لمدة اسبوع تتناول فيه سعراتك كاملة او اعلى منها ب 200 سعر مثلا من الطعام الصحى او الأغلب من الصحى هتكون نفسيتك اتحسنت وهرمون اللبتين عندك اتظبط تانى بعد نزول معدله من قلة الطعام وتقدر تواظب تانى على الدايت - هذا افضل من الخروج بالإضافة ان عليك ان تدون لماذا خرجت من الدايت هذه المدة حتى زاد وزنك هذه الكمية وعليك انت تصلح مثل تلك الأخطاء حتى لا تقطع مرة اخرى

 

تمام متشكر جدا

 

بص يا زياد انا كمان بظبط عدد السعرات المطلوبة مني بس مشكلتي ف الكاربوهيدرات ،، بص انا ابتديت مثلا من 3 اسابيع اني ابطل عيش خالص وممكن اكله مثلا ف يوم اجازتي ، الفطار بيبقا بيض مسلوق وفول ( مع ان الفول فيه كاربس برضو وهحاول الاقي بديل ليه بس علشان بيشبعني وبيخليني اكمل يومي) وباكلهم من غير عيش ، الكاربس في الغدا كانت الرز او المكرونة مع ان عداهم بالمعلقة ، بس ان شاء الله هيبقا تحدي الاسبوع دا وابطلهم خالص ( يعني اهو الاسبوع دا هبتدي اكل فراخ وخضار ع الغدا ) .. المشكلة بقا ف العشا ف ممكن اكل موزة وعلبة زبادي بيشبعوني ... خده كدا تحدي ليك وقلل العيش والرز والمكرونة ، الي هي كاربس بسيطة .. بالمناسبة ايه الابلكيشن الي بتستخدمه دا ؟

 

يا جماعه انا مش عارف ايه حكايه ضرب 4 للبروتين طب مهو ممكن كميه البروتين لصنف معين تبقى عاليه السعرات او منخفضه ومتديش الجرعه المطلوبه بردة من البروتين على سبيل المثال .. انا شايف 4 بروتين و 4 كارب و 9 دهون حاجه مش مظبوطه لان اصناف البروتين والدهون والكارب بتختلف فى سعراتها .. وشايف بردة ظبطها انك تحدد النسب كتالى :
لو محدد مثلا لنفسك 1600 سعر حرارى و وزنك بدون كتله الدهنيه 70 كيلو يبقى البروتين 70 * 2.5 او 2 جرام = 140 - 175 جرام وتشوف سعراتهم كام - والدهون 70 * 0.75 = 52.5
اجمع سعرات الدهون والبروتين على حسب اصنافهم واطرحهم من السعرات الكليه الى هى 1600 يبقى الباقى دة سعرات الكارب ... وللكابتن / محمد قاعود شرف التعديل على اى معلومه ناقصه او تحتاج لايضاح.

 

لأ انت فهمت غلط انا بشرح طريقة تحويل جرامات البروتين الى سعرات والعكس السعرات الى جرامات وهكذا الكارب والدهون

 

طيب يامحمد الله ينور بصيرتك بالخير .. لك فائق الاحترام

 

واياكم تسلم ربنا يخليك

 

انا مشكلتى بتبقي ف العشاء لما بنزل مع اصحابي دايما بناكل بيتزا وكريب وف الاغلب كشري .. بالمناسبه تعرفي القيمه الغذائيه ف الكشري ؟ ... البرنامج اسمه easy fit