مكرونة بالبشاميل عالية البروتين

اولا المقادير
مكرونة سباجتي 150g
25g شوفان مطحون
25g دقيق يعني معلقة كببرة
300g حليب كامل الدسم
400g وش الفخدة مفروم
معلقة ك صلصة البارببكيو
فلفلة رومي و 3 فلفل حراق مقطعين
التوابل
ملح وملح صيني وفلفل اسود وبابريكا وبهار لحمة وتوم وبصل بودر

الطريقة

اولا نضرب بالخلاط المكونات السابقه وهي
شوفان ودقيق وحليب وملح الصيني

ثانيا تعصيج اللحمة
1 ف حلة تيفال او جرانيت نعصج اللحمة واول مينزل منها ماء نحط الفلفل وباقي التوابل ونسيبه لحد مستوى مع التقليب

2 نشيل اللحمة ونفس الحله منشيلهاش نسلق فيها المكرونة نص سليق

3 بعد السلق ناخد منها مغرفتين ماء للبشاميل ونصفي الباقي مش عاوزينه

4 الماء السلق نضعه ف الحله مره اخرى مع خليط البشاميل المضروب ونفضل نقلب لحد ميتخن ويتجانس

5 ف صينيه صغيرة نضع معلقتين بشاميل كدهان وبعد كده نضع المكرونه بالكامل واخيرا اللحمه فوقها بالتساوي ونضع البشاميل فوقهم

ثم نضع الصلصة ع الوش ف الاخر للتحمير ونضع الصينيه ف ف شوايه الفرن




6 بعد ميتحمر بالشكل ده نسيبه يبرد ونقسم الوجبه نصفين ليومين

ودي سعرات الوجبه الواحدة تاكلوها بالهنا والشفاء

 

عاشت ايدك

 

ربنا يخليك

المرة الجايه لما اعملها هبقي انزل كل خطوة بالصورة بتاعتها عشان تبقى أوضح وأفضل للمشاركين

 

شكرا على الوصفه اولااا

بس ايه علاقة دا بالشاااميل دا عجين تقريبا بشاميل يعنى زبده وكريمه

سامحنى بس اكيد الطعم هيكون مقرف جدااا وعامل زى العجين

اكتر حاجه بضايقنى فى اكل الدايت اننا نلتف حولين الاكل اللى بنحبه وتعمله بشكل مقرف وتقنع نفسك ان هو حلو

عايز تاكل بشاميل كله فى الريفيد والبريك بتاعك

 

انا بقالي شهر ونص باكله ياكوتش وطعمه جميل جدا
وكمان اي بشاميل لازم تحط عليه يااما دقيق ياما نشأ عشان القوام بتاعه

وانا حاطط شوفان مع دقيق وضاربهم مع الحليب والملح الصيني ده بيتحط ف الاندومي لو تسمع عنه بيدي طعم تحفه وبسيبهم ع النار وبحط ع الوش صلصه الباربيكيو عشان التحمير

اما عن المكرونه انا بستعمل الاسباجتي لسبب اولا بتفرش معايا افضل م الاقلام وبتزيد اكتر عن الأقلام لو تلاحظ الصورة هتلاقيني باكل طبق كبير جدا وبشبع ومش هتصدق ان دي 75g مكرونه فهمتني

عموما جربها واعملها بالمكونات اللي كتبتها ودوقها وبعدين احكم

 

اول ما بدات دايت كنت بجرب الاكل دا وبصراااحه مقرف جدااا ومن ضمن الاسباب اللى متخلكش تكمل اصلا فى الدايت

ايه علاقة دا بالمكرونه البشاميل الاصليه اللى فيها زبده وكريمه مع دقيق ولبن علشان تاخد طعم لذيذ

انا فاهم انك اثناء الدايت بتحاول تقنع نفسك ان الاكل المقرف حلو علشان تكمل بس بعد فتره بتزهق

كل وصفتك دى وبعدين كل مكرونه بشاميل معمول صح وانت هتحس الفرق

 

ومين قالك بس ياكوتش ان انا بعمل دايت انا عامل نظام غذائي متكامل م البروتين الحيواني والنباتي بجانب الدهون المشبعه وغيرها وكمان عامل اكتر م نظام اسبوع لحمة واسبوع فراخ وتونة عشان مزهقش

وساعات أضيف بسطرمة مش كل شويه بيض مسلوق وساعات فته نابت وابدلها بشربه عدس وكده انا مش ماشي ع نظام معين ده الرابط اتفضل

ده اللحمة

https://www.egyfitness.com/calculatored_page/?id=847

وده اسبوع الفراخ والتونة


https://www.egyfitness.com/calculatored_page/?id=848

يارب نظامي الغذائي يعجبك

بالمناسبه انا احتياجي 2800 لاني بلعب 5 مرات أسبوعيا ووزني كان 105 دلوقت 100k ف شهر

امتى تتقرف زي مبتقول لما متحطش ع الاكل ملح او توابل لكن انا مختلف بعمل نفس الاكل لكن بمقادير قليله

اما عن موضوع الزبدة والكريمه وغيرها انا عمري مكان اكلي بزبده دايما بزيت درة او عباد وحاليا زيت زيتون عمري مستعمل السمن او الزبدة نهائي

سواء كنت مليان او بعد مخسيت