وجبه باستا عاليه في البروتين

كل عام وأنتم بخير ، في مساء رمضان يتبقي لي سعرات كثيره اكلها وبفضل عمل وجبه كبيره بعد التمارين ، كميه المقادير تقدر تقلل منها او تزيد عليها علي حسب احتياجك اليومي من السعرات ..
المقادير :
350 جرام لحم مفروم 10% دسم
150 جرام مكرونه ( قبل الطهي )
بصله (او فلفل الوان)
ملعقه صلصه طعام كبيره
كبابه صيني مطحونه (من العطار)
فلفل + ملح
________
في مقلاه وعلي درجه حراره متوسطه بتحط قطع البصل واللحم لحد ما اللحم يبدا ياخد لون بني بتضيف بعدها البهارات الي ذكرتها والصلصه وتقلبهم وتغطيه لحد ما ينضج بالكامل ،
المكرونه بتسلقها عادي وبتحط عليها اللحم ، ممكن تعمل حركه كده انك تخلط دقيق مع بيضه وجبنه مبشوره وتعمل للطبق وش كده ودخله الفرن وهتبقي اتجهت للمكرونه بشاميل بسهوله ..
القيمه الغذائيه :
1200 سعر حراري
92 بروتين
120 كارب
35 دهون
5 الياف