وصفة بيتزا دايت

حد يعرف وصفه للبيتزا حجم وسط ماتتخطاش 1000 سعر

 

محدش بياكل بيتزا غيرى فىالمنتدى ولا ايه ؟!!!!

 

نأكلها , لكن خفية ,,, و ندعي أننا نأكل الطعام الصحي و نتبع الريجيم

 

هههههه ماذا توصلت له انا محب للبيتزا لكن مااسويها ومااعرف طريقة صحية لها

 

Yeah i'm here
بص الطريقة دي هتعملك بيتزاية صغيرة الا حد ما ممكن انت تجزئها ع مرتين مثلا
- كوباية دقيق-زبدياية وشوية لبن بسيط-معلقة سكر - معلقة خميرة دى العجينة شوف بقي انت عاوز تحط ايه عليها وحاول تبقي هيلثي يعني حط مثلا صدور فراخ وزتون وهكذا واحسب سعراتها بعد الوزن
الطريقة :- هتحط كوباية الدقيق مع اللبن والزيادي وتخلطهم سوي دول لوحدهم
حط معلقة السكر ع معلقة الخميرة (معلقة صغيرة) وحط عليهم شوية مية بسيط وسيبهم شوية عشراية كدة ربع ساعة
وبعدين حط دول ع الدقيق واعجن بمية لحد ماتتماسك سيبها تخمر لحد ماتنفش معاك ساعتين كدة يعني بعدين هات صنية وادهنها معلقة زيت زتون وافرد العجينة وفوقها ادهنها عصير طماطم تكون محدقه حاجة بسيطة ماشي البديل كاتشب بس خلينا ف الطماطم احسن طبعا وبعدين بقي حط الفلفل والطماطم والزتون والجبنة والفراخ او ايا كان هتحط ايه ودخلها الفرن تستوي من فوق ومن تحت
دي بيتزا بيتي هتطلع بنفس الطعم بتاعة بيتزا الفرن بس ع نضيف طبعا واحلي بس مش زي بيتزا هت الحقيقة ، دى اكتر بيتزا هيلثي معتقدش ممكن يبقي البيتزا قابلة للنقاش اكتر من كدة

 

شكرا جدا لكن المشكلة بالسعرات بتكون كبيرة بالكارب او الدهون وانا في مرحلة التخسيسلكن شكرا بسويها بمرحلة التضخيم باذن الله(اذا تذكرت)

 

دى العجنيه بتاعتها بتطلع نشفه ولا طريه فى النهايه ؟

وتاخد قد ايه موتزريلا ؟ كيس مثلا 125 جرام ؟

 

لا بتطلع طرية كويسة نفس قوام بيتزا الفرن عاوزها طرية شوية ممكن تحط فيها معلقة صغيرة زيت زتون لو انت من محبيه يعني
الموتزريلا بتبقي حسب طلبك بس عشان انت عاوزها اقل مايكون ف السعرات حط قليل ١٢٥ كتير ممكن ١٠٠ تبقي كويسة جدا معاك
انا عامة مبحطلهاش موتزريلا أصلا

 

الشكر لله بألف هنا وبالتوفيق ف هدفك يارب

 

دي بسيطة جدا ياكوتش

انا باكل بيتزا سعراتها متتعداش ال700 سعرة كمان وبروتينها عالي والكارب والدهون قليلين

وبتاخد مني تلت ساعه تسويه وفرن وكل حاجه

ولا محتاج تعجن ولاتتعب نفسك ع الفاضي كمان وسهله وبسيطة ودي سعرات الوجبة منها

https://www.egyfitness.com/calculatored_page/?id=920

طبعا انا باكل دايما ف اللحمة وش الفخدة وبس لقله سعراتها وكثرة بروتينها وطبعا انا بعمل صينيه كبيرة وبقسمهم ع 3 وجبات مش كل يوم هعمل بيتزا ولا مكرونة بشاميل ودي سعرات البيتزا كامله بس بتبقي كبيرة جدا وبقسمها ع 3

https://www.egyfitness.com/calculatored_page/?id=919

انا حاليا كنت لسه منزل طريقة المكرونة بالبشاميل بس لما اخلص اكلها هبقي م عنيا انزل طريقه البيتزا دي وبالصور كمان ياريس

وطبعا انا منصحكش تعمل بيتزا بسعرات قليله زي اللي ف الوجبه الواحدة اللي ف الصورة مش هتبقي حلوة ومش هتكون متماسكة الا اذا عملتها ف طبق صغير لقله الكميات فنصيحة اعملها بكميات كبيرة وقسمها وانا هبقي انزلها موضوع قريب

 

منتظرين ابداعك

 

شكرا على الافادة يا سادة كنت لسه عاوز اسأل على موضوع البيتزا ده