عدم خسارة الوزن على 600 سعر حراري

السلام عليكم ورحمة الله وبركاته
محتاجه حد يفهمني الارقام دي
حساب الدهون لدي ٣٠٪‏
معدل الايض الاساسي ١٣٠٠
حساب الاحتياجات اليومية من السعرات ١٨٩٨
مش فاهمه يعني انا بحرق اقل ما بحتاج عشان كده بتخن بسرعه ولا ايه
عايزه حد يقولي المفروض اكل كام سعر ؟ لاني بحرق كام سعر ؟ (١
انا سني ٤٥ عملت كارديو كتير بنجح في التخسيس وارجع اول ما اكل لقمه زياده اتخن باسرع وقت
طولي ١٦١.
وزني الان بعد تحقيق كيلو نجاح ٦٨.٢٠٠
باكل حوالي ٦٠٠ سعر في اليوم لاني لما كنت باكل ٩٠٠ كنت مش بنزل في الوزن
بس حاسه بوهن مع السعرات القليله دي
بعمل تمرين الاسكوات ٢٠ دقيقة بوزن ١ كيلو في كل يد (لاني مصابه بالتهاب الاوتار في اليد اليمني ولا اتحمل حمل اوزان اكبر)
وبعده انط ٤٠ دقيقه بواقع ١:٣٠ دقيقة نط و ٠:٣٠ ثانيه راحه واكرر طول ال ٤٠ دقيقة يعني تمريني ساعه في اليوم ٥ ايام في الاسبوع
هل اللي بعمله ده من اكل وتمرين جيد لتحقيق النجاح واخس ولا في غلط (٢)
هل لو اخدت اوميجا ٣ بتركيز EPA 180
DHA 120
الحبه ١٠٠٠ مجم يفيدني في حرق الدهون والجرعه اد ايه ؟ (٣)
ياريت حد يهتم ويجاوبني انا علي حافة الاحباط
وسامحوني في الاطاله وشاكره لكم

 

اشكرك علي الاهتمام
انا قرأت القواعد دي سابق واقدر اقول اني بحاول اطبق القاعده الاولي بتقليل الاكل بس من غير ماعرف حقي في السعرات كام يوميا لاني مش فاهمه الارقام اللي خارجه من الادوات وده كان سؤالي الاول
انا كتبت كل المعلومات ياريت تقولي كام سعر اخده في اليوم وكام بحرق بدون تفاصيل مجرد رقم مناسب ليه (١) عشان احسب الفرق واعرف في تقدم استمر ولا اعدل
بالنسبه الاوميجا٣ بدأت اخدها حبيتين في اليوم وكتبت التركيز صح حبيتين ولا اعدل الجرعه (٢)
اما التمارين شرحت بعمل ايه والمده واني لا استطيع الاستفادة من الاوزان بسبب التهاب الاوتار لدي خايفه اشيل وزن يؤثر ويزيد الالم ويضر بالعلاج
حالتي معقده شويه بسبب دراعي فهل تمريني ده يحقق نجاح ولا في حاجه تانيه تحقق اكثر طبعاً من غير حديد لحين الشفاء (٣)
اسفه مره تانيه للاطاله وارجو الرد علي (١) (٢)(٣)

 

بحسبها بمساعدة جدول السعرات بتاع حضرتك بالتقريب لاني ماعرفتش استخدم الحاسبه
بس نظامي نسكافيه الصبح وبعد نص ساعه تمريني ساعه اسكوات ونط
بعد ساعتين يعني الساعه ٤ ابتدي اكل بروتين ربع فرخه وخضار سلطه وساعات بروتين بس ونسكافيه بدون سكر
الساعه ٧ ثمرة فاكهه
الساعه ١٠ علبه زيادي كامل الدسم ونص ليمونه وبعدها شاي بلبن
بس بحس انه قليل لكن اكتر من كده وزني بيثبت
شاكره لاهتمامك

 

حاولت اسجل وعملت سكرين شوط للمجموع
ده تقريباً اللي بعمله كل يوم ووجبة فري يوم الجمعه
ده حوالي ٦٥٠ سعر في اليوم ولا اخرج عنه الا وجبه يوم الجمعه بكره ابقي بقالي اسبوعين علي كده
وزني علي الميزان نزل ٢ كيلواما بالسم الفخد نزل ١سم باخد مقاس الفخذ لاني كمثري
اعتقد من محاولاتي السابقه اني لو اكلت ١٣٠٠ حزيد
وفعلاً شاكره اهتمامك

 

السلام عليكم
سعيده وانا بقول اني خسيت في الاسبوع الثاني ٨٠٠ جرام وده يقول اني خفضت سعراتي اليوميه ٨٠٠ سعر لكل يوم عشان النتيجه تبقي كده
واني كده من اكل وتمرين ماشيه كويس
انا اتشجعت وحسمع كلام الكابتن قاعود وطلبت ميزان طعام من سوق.كوم حستلمه يوم السبت ان شاء الله وحمشي بدقه في وزن الطعام وحساب سعراته علي الحاسبه زي ماقال لي حتي استطيع ان احقق نجاح بصوره اسهل
واتمني لكم جميعاً تحقيق اهدافكم
واشكر كابتن قاعود تعاونه ومساعدته لي بالمعلومات المفيده في مقالاته ونصائحه